Services Australia ආයතනය සඳහා අමතර කාර්ය මණ්ඩල සේවකයින් 3000ක් එක්කර ගැනීමට රජය පියවර ගෙන ඇතැයි වාර්තා වනවා.
Centrelink සහනාධාර හිමියන්ට ප්‍රමාදයකින් තොරව සේවා සැපයීම මෙහි අරමුණ බව සඳහන්.
මෙමගින් Centrelink සේවා ලාභීන්ට තම දීමනා ලබා ගැනීමට පොරොත්තු ලේඛනයේ රැඳී සිටීමට සිදුවන කාලය අවම කර ගත හැකි අතර කාර්යක්ෂම සේවාවක් ලබා ගැනීමට ද හැකි වනු ඇති.
එමෙන්ම Centrelink හිමියන්ට තම මූල්‍ය තත්ත්වය පිළිබඳ මාර්ගගත යාවත්කාලීන කිරීම් තනිව හෝ දුරකථන මාර්ගයෙන් සිදුකිරීමේ අවස්ථාව සලසා දීමට ද පියවර ගෙන තිබෙනවා.
මෙම ක්‍රමවේදය දැනටමත් ක්‍රියාත්මක වන අතර Centrelink හිමියන්ට සේවා ලබා ගැනීම සඳහා ගත වන කාලය අඩු කර ගන්නා ආකාරය සම්බන්ධයෙන් ද උපදෙස් මෙහිදී ලබා දෙනු ඇති.
කෙසේ වෙතත් මෙම වසර මුලදී වැඩිහිටි විශ්‍රාමිකයින්ට චෝදනා කර තිබුණේ තම මුදල් සම්බන්ධ තොරතුරැ ලබා ගැනීමේදී වැඩි කාලයක් ඊට ගත වන බවයි.
විශ්‍රාම වැටුප් හිමිකම් සඳහා සාමාන්‍ය කාලය දින 78ක් වූ අතර ආබාධිත ආධාර විශ්‍රාම වැටුප් හිමිකම් පෑමක් සඳහා දින 82ක කාලයක් පෙර පැවති ක්‍රමවේදය යටතේ රැඳී සිටීමට සිදුව තිබුණා.
Services Australia සාමාන්‍යධිකාරී Hank Jongen ප්‍රකාශ කලේ කළේ නව කාර්ය මණ්ඩල බඳවා ගැනීමත් සමග විශ්‍රාම වැටුප් හිමිකම් සඳහා සාමාන්‍ය සැකසුම් කාලය දින 55 දක්වා අඩු කර ඇති බවයි.
Commonwealth Seniors Health Card හිමියන්ට ඒ සඳහා අයදුම් කිරීමට තිබූ කාලය දින 42 සිට දින 16 දක්වා පහත වැටී තිබීම ද විශේෂත්වයක්.
