සිඩ්නි මාර්ග රැසක් අද වැසේ

සිඩ්නි මැරතන් තරගය සඳහා අද දිනයේදී මාර්ග රැසක් වසා තැබෙන බව ජනතාවට දැනුම් දී තිබෙනවා.

මෙම මැරතන් ධාවන තරඟයට ධාවකයින් රැසක් එක්වීමට නියමිත අතර තරගය අද උදෑසන 6ට ආරම්භ කිරීමට පෙර මාර්ග වසා දැමීමටයි පියවර ගෙන ඇත්තේ.

ඒ අනුව සිඩ්නි CBDහි සියලුම ප්‍රධාන මාර්ග සහ පාපැදි මාර්ග අලුයම 3.30 සිට වසා දැමෙනු ඇති.

The Rocks, Millers Point, CBD, North Sydney, Barangaroo, Pyrmont, Darlinghurst, Moore Park, Centennial Park, Kensington සහ Kingsford යන ප්‍රදේශ ආශ්‍රිත මාර්ගයන්ද වසා තැබීමට නියමිතයි.

සිඩ්නි වරාය පාලම, Cahill අධිවේගි මාර්ගය, යෝර්ක් ස්ට්‍රීට් සහ මැකාරී ස්ට්‍රීට් (Macquarie Street) අතර මාර්ග ද වසා දැමෙන අතර විශේෂයෙන් මැකාරී ස්ට්‍රීට් අද අලුයම 4 සිට සවස 3 දක්වා වසා තැබෙන බවයි නිවේදනය කර ඇත්තේ.

Anzac Parade සිට Moore Park දක්වා මාර්ගය උදෑසන 5 සිට උදෑසන 11.30 දක්වා වසා තැබෙන බව සඳහන්.

Park Street, William Street ,Elizabeth Street සහ Crown Street උදෑසන 5 සිට දහවල් 2 දක්වා වසා තැබෙන බවයි වාර්තා වන්නේ.

Sections of College Street, Liverpool Street, Oxford Street, Flinders Street සහ South Dowling Street යන මාර්ග ද උදෑසන 4 සිට දහවල් 2දක්වා වසා තැබෙනවා.

මෙම මාර්ග භාවිත කරන රියදුරන් අද දිනය තුළ හැකිතාක් විකල්ප මාර්ග භාවිත කරන ලෙසයි සිඩ්නි රථ වාහන පොලිසිය ජනතාවට දැනුම් දෙන්නේ.