අමෙරිකාවේ හිටපු ජනාධිපති ඩොනල්ඩ් ට්‍රම්ප් තමාගේම “සමාජ මාධ්‍ය ජාලයක්” ඇරඹීමට සූදානමින් සිටින බව වාර්තා වේ.
ඔහුගේ උපදේශක ජේසන් මිලර් පැවසුවේ, “මම හිතනවා මාස දෙක තුනකින් ඔහුගේම සමාජ මාධ්‍ය ජාලයකින් ඔහු නැවත සමාජ මාධ්‍ය ට එක්වෙයි.”
“එම නව සමාජ මාධ්‍ය ජාලය සිත් ඇදගන්නා සුළු මෙන්ම මෙම ක්ෂේත්‍රයේ වෙනසක් සිදු කිරීමට සමත් වෙයි.”
පසුගිය ජනවාරි මාසයේදී ඔහුගේ අනුගාමිකයින් කැපිටල් ගොඩනැගිල්ල ආක්‍රමණය කරමින් විරෝධතා පැවැත්වීමේ සිදුවීමෙන් අනතුරුව ෆේස්බුක් සහ ට්විටර් ආයතන ට්‍රම්ප්ගේ ගිණුම් අවහිර කිරීමට ක්‍රියා කළේය.
