නවසීලන්ත ක්රිකට් කණ්ඩායමේ ඉදිරි ටෙස්ට් තරග තුනක් සඳහා දඟ පන්දු පුහුණුකරු ලෙස ශ්රී ලංකා කණ්ඩායමේ හිටපු දඟ පන්දු යවන ක්රීඩක රංගන හේරත් පත්කර තිබෙනවා.
ඒ අනුව ඇෆ්ගනිස්තානයට එරෙහිව පැවැත්වෙන එක් තරගයක් සහ ශ්රී ලංකාව සමග පැවැත්වෙන ටෙස්ට් තරග දෙකකට ඔහු නවසීලන්ත කණ්ඩායමේ දඟ පන්දු යැවීමේ පුහුණුකරු ලෙසට කටයුතු කරනු ඇති.
එමෙන්ම නවසීලන්ත කණ්ඩායමේ පිතිකරණ පුහුණුකරුවෙක් ලෙසට ඉන්දීය කණ්ඩායමේ හිටපු ක්රීඩකයෙක් වන වික්රම් රාතුර් ද පත්කර ඇති බව සඳහන්.
නවසීලන්ත ජාතික කණ්ඩායමේ පුහුණුකරු ගැරී ස්ටෙඩ් පැවසුවේ රංගන හේරත් සහ වික්රම් රාතුර් යන දෙදෙනාම ඉහළ ගෞරවයට පාත්ර වූවන් වන අතර කණ්ඩායමේ ක්රීඩකයින් ඔවුන්ගෙන් ඉගෙන ගැනීමට බොහෝ දේ ඇති බවයි.
ශ්රී ලංකාවට එරෙහිව නවසීලන්ත කණ්ඩායමේ ටෙස්ට් තරග දෙක පැවැත්වෙන ගාල්ලේදී රංගන හේරත් ටෙස්ට් කඩුලු 100කට වඩා දවාගෙන ඇති අතර එම ක්රීඩාංගණය සම්බන්ධයෙන් ඔහුගේ දැනුම මිල කළ නොහැකි වනු ඇති බව ද ගැරී ස්ටෙඩ් ප්රකාශ කළා.
ශ්රී ලංකා සංචාරයෙන් පසු නවසීලන්ත කණ්ඩායම ඉන්දියාවට පැමිණ ටෙස්ට් තරග තුනකට සහභාගි වීමට නියමිතයි.
