ගෘහස්ථ ප්රචණ්ඩත්වය සහ ස්ත්රී පුරුෂ සමාජභාවයට (gendered violence) එරෙහිව පියවර ගැනීම සඳහා අගමැති ඇන්තනි ඇල්බනීස් විසින් ඩොලර් බිලියන 4.7ක අරමුදල් සමග නව පස් අවුරුදු ජාතික සැලැස්මක් එළිදක්වා තිබෙනවා.
අද උදෑසන පැවති කැබිනට් රැස්වීමෙන් අනතුරුව අග්රාමාත්යවරයා ප්රකාශ කළේ මෙම සැලැස්ම මගින් ක්ෂේත්ර හතරක් කෙරෙහි අවධානය යොමු කරන බවයි.
පෙරටුගාමී සේවාවන්ට සහාය වීම, අපරාධකරුවන්ගේ ප්රචණ්ඩත්වය උත්සන්න වීම වැළැක්වීම, තරුණ වින්දිතයින්ට වැඩි සහයෝගයක් ලබා දීම සහ ප්රචණ්ඩත්වයට මත්පැන් සහ සුදූවල ඇති බලපෑම වෙනුවෙන් පියවර ගැනීම එම ක්ෂේත්ර 4 වනවා.
අරමුදල්වලින් ඩොලර් බිලියන 3.9ක් ෆෙඩරල් රජයේ මුදල් වන අතර ඉතිරිය ප්රාන්ත සහ ප්රදේශවලින් ලබාදීමට නියමිතයි.
ස්ත්රී පුරුෂ සමාජභාවය පදනම් කරගත් ප්රචණ්ඩත්වයට එරෙහිව ගන්නා පියවරවලට අදාළව වැටුප් වැඩි කිරීම ඇතුළු නීති ආධාර සේවා සඳහා ඩොලර් මිලියන 800ක් පමණ යෙදවෙනු ඇති.
පස් අවුරුදු අරමුදල් සැලැස්ම ලබන 2025 වසරේ ජූලි 1 වැනිදා ආරම්භ කිරීමට නියමිතයි.
මෙම ජාතික අර්බුදය විසඳීම සඳහා ජාතික වශයෙන් සම්බන්ධීකරණ වැඩපිළිවෙලක අවශ්යතාව පවතින බවයි අගමැතිවරයා අද ප්රකාශ කළේ.
කාන්තාවන්ගේ සුරක්ෂිත භාවය සහතික කිරීමට ක්රියා කළ යුතු අතර බිහිසුණු මරණ සහ කිසිසේත් පිළිගත නොහැකි ප්රචණ්ඩත්වය වැළැක්විය යුතු බව ද ඔහු අවධාරණය කළා.
ෆෙඩරල් රජය සූදු සම්බන්ධ වෙළඳ දැන්වීම් තහනම් කිරීමට පියවර ගනිමින් සිටින අතර ප්රාන්ත සහ ප්රදේශ මත්පැන් නීති සමාලෝචනය කිරීමට ද එකඟ වී ඇති බවයි අගමැතිවරයා කියාසිටියේ.
