මෙල්බන් සහ සිඩ්නි සංක්‍රමණිකයන්ගේ ජනප්‍රිය නගර අතරට

ඔස්ට්‍රේලියාවට පැමිණෙන සංක්‍රමණිකයින්ගෙන් වැඩි දෙනෙකු පදිංචිය සඳහා මෙල්බන් සහ සිඩ්නි යන ප්‍රධාන නගර තෝරාගන්නා බව නවතම දත්ත අනුව අනාවරණය වී තිබෙනවා.

Institute of Public Affairs විසින් නිකුත් කළ නවතම සංඛ්‍යාලේඛනවලින් පෙන්නුම් කරන්නේ 2021 සහ 2023 අතර ඔස්ට්‍රේලියාවට පැමිණි සංක්‍රමණිකයින්ගෙන් සියයට 29ක් පමණ සිඩ්නි වෙත පැමිණ ඇති බවයි.

එම අගය සංඛ්‍යාත්මකව 214,000ක් පමණ වන බව සඳහන්.

නවක සංක්‍රමණිකයින් සඳහා වඩාත් ජනප්‍රිය දෙවන නගරය මෙල්බන් ලෙස එහි වැඩිදුරටත් දැක්වෙනවා.

මෙල්බන් නගරයට සියයට 28ක් හෝ 206,000ක නව සංක්‍රමණිකයින් පිරිසක් පැමිණීම ඇති බවයි වාර්තා වන්නේ.

ඔස්ට්‍රේලියානු ජනගහන පර්යේෂණ ආයතනය (The Australian Population Research Institute) සඳහන් කර ඇත්තේ මෙම දත්ත ඔස්ට්‍රේලියාවට පැමිණ ඇති සිසුන් මත පදනම් වන බවයි.

කෙසේ වෙතත් මෙම සංක්‍රමණික දත්‍ත කුලි නිවාස වෙලඳපල සඳහා ද බලපෑම් කරන බව එම වාර්තා මගින් පෙන්වා දී තිබෙනවා.

මෙරටට පැමිණෙන සෑම නව සංක්‍රමණිකයන් 10 දෙනෙකුගෙන් 8 දෙනෙකුම නාගරික ප්‍රදේශයක පදිංචි ඇති බව Institute of Public Affairs වාර්තා පෙන්වා දෙනවා.