පෙම්වතා විසින් ගිනි තැබීම හේතුවෙන් බරපතල තුවාල ලබා සිටි උගන්ඩාවේ ඔලිම්පික් මැරතන් ධාවන ශූරී රෙබෙකා චෙප්ටෙගේයි (Rebecca Cheptegei) මිය ගිය බව රෝහල් බලධාරීන් පවසනවා.
කෙන්යානු මාධ්ය වාර්තා කළේ පසුගිය ඉරිදා පෙම්වතා විසින් සිදු කළ මෙම ගිනි තැබීමෙන් 33 හැවිරිදි රෙබෙකා චෙප්ටෙගේයි ගේ (Rebecca Cheptegei) සිරුරෙන් සියයට 80කට වඩා පිළිස්සී තිබූ බවයි.
උගන්ඩාව තුළ ක්රීඩිකාවන්ට මෙවැනි අසාධාරණකම් සිදුවන අතර මෙම ක්රීඩිකාව 2021 වසරේ ඔක්තෝම්බර් මාසයෙන් පසු රට තුළ මියගිය තුන්වන ක්රීඩිකාව බව සඳහන්.
උගන්ඩා ඔලිම්පික් ක්රීඩිකාව මෙම අවාසනාවන්ත සිදුවීමට මුහුණදී ඇත්තේ ඉඩම් ආරවුලක් හේතුවෙන් බව ද පැවසෙනවා.
රෝහල් බලධාරීන් සඳහන් කර ඇත්තේ දිගු දුර ධාවන ක්රීඩිකාවට සිදුවී තිබූ බරපතල පිළිස්සුම් තුවාල හේතුවෙන් ඇයගේ සිරුරේ සියලුම අවයව ක්රියා විරහිත වීමෙන් අද අලුයම මිය ගිය බවයි.
ඇය මෙවර පැරිස් ඔලිම්පික් උළෙලේ කාන්තා මැරතන් තරගයට ඉදිරිපත් වූ අතර එහිදී හිමිව තිබූණේ 44 වන ස්ථානයයි.
මෙම ක්රීඩිකාවගේ පෙම්වතා ද අදාළ සිදුවීමේදී පිළිස්සුම් තුවාල ලබා ඇති අතර ඔහු තවමත් දැඩි සත්කාර ඒකකයේ ප්රතිකාර ලබමින් සිටින බව සඳහන්.
Cheptegei ගේ දෙමාපියන් පැවසුවේ තම දියණිය ප්රාන්තයේ මලල ක්රීඩා පුහුණු මධ්යස්ථාන ආසන්නයෙන් ඉඩමක් මිලදී ගෙන තිබූ අතර මෙම ගිනි තැබීම සිදුවීමට පෙර නිවස ඉදිකරන ලද ඉඩම සම්බන්ධයෙන් ඔවුන් දෙදෙනා අතර මතබේදයක් සිදුවී ඇති බවයි වාර්තා වන්නේ.
මෙම සිද්ධිය සම්බන්ධයෙන් තවදුරටත් උගන්ඩා පොලිසිය විසින් පරීක්ෂණ සිදු කරනවා.
