ඔස්ට්රේලියාවේ බැංකු සහ රක්ෂණ සමාගම් පොලී අනුපාත ඉහළ නංවමින් ඔස්ට්රේලියානුවන්ගෙන් ලාභ උපයමින් සිටින බවට ඔස්ට්රේලියානු වෘත්තීය සමිති කවුන්සිලය (ACTU) චෝදනා කරනවා.
ලේකම් Sally McManus පෙන්වා දෙන්නේ ඔස්ට්රේලියානු සංඛ්යාලේඛන කාර්යාංශයේ දත්තවලට අනුව මූල්ය කර්මාන්තය 2021 වසරේ මාර්තු මාසයේ සිට සියයට 46ක ලාභ වැඩිවීමක් වාර්තා කර ඇති බවයි.
බැංකු සහ රක්ෂණ සමාගම් පොලි අනුපාත වැඩි කර ඇත්තේ අවශ්ය නිසා නොව ලාභය තර කර ගැනීමට බවයි චෝදනා එල්ල වන්නේ.
එමෙන්ම ඔස්ට්රේලියාවේ උද්ධමන අගයන් වැඩි කිරීමට ද බැංකු සහ මූල්ය සමාගම් ප්රබල දායකත්වයක් සපයන බවට ඇය චෝදනා කරනවා.
2021 වසරේ මාර්තු මාසයේ සිට බැංකු විසින් පොලී ඉහළ නැංවීමෙන් ඩොලර් බිලියන 212ක් උපයා ඇති අතර රක්ෂණ සමාගම් ද තම වාරික සියයට 36 කින් වැඩි කර ඇති බවයි පැවසෙන්නේ.
පසුගිය පෙබරවාරි මාසයේදී ඔස්ට්රේලියා පාරිභෝගික කොමිසමේ (ACCC) හිටපු සභාපති මහාචාර්ය ඇලන් ෆෙල්ස් විසින් රට පුරා ගාස්තු ඉහළ යාම සහ අසාධාරණ මිල ගණන් පිළිබඳ ඔහුගේ වාර්තාව ප්රකාශයට පත් කර තිබුණා.
ඔස්ට්රේලියාවේ ව්යාපාර විසින් භාවිතා කරන සංකීර්ණ මිල ව්යුහයන් සහ පාරිභෝගිකයින්ට වටහා ගත නොහැකි ව්යාකූල මිලකරණය සම්බන්ධයෙන් එම වාර්තාවෙන් ඉස්මතු කර ඇති බව සඳහන්.
සාලි මැක්මනුස් පැවසුවේ වැඩකරන ජනතාවගෙන් මුදල් උපයන ව්යාපාර සඳහා වෘත්තීය සමිති විසින් ඉඩක් ලබා නොදෙන බවයි.
බැංකු සහ රක්ෂණ සමාගම් වැනි දැවැන්ත ව්යාපාර විසින් රටේ උද්ධමනය නියමිත ප්රමාණයට වඩා ඉහළ මට්ටමක තබා ගනිමින් සිටින අතර මේ සඳහා ඔවුන් වගකිව යුතු බවද ඇය අවධාරණය කළා.
