ජනප්රිය ගායිකාවක් වන වින්ඩි ගුණතිලක ගායනා කරන ‘අයියෝ සාමි’ දමිළ ගීතය සඳහා ඉන්දියාවේදී සම්මානයක් හිමිවී තිබෙනවා.
පසුගියදා දකුණු ඉන්දියාවේ චෙන්නායි නුවර පැවති 16 වැනි එඩිසන් සම්මාන උළෙලේදී වසරේ හොඳම සංවේදී ගීතය – 2023 සඳහා වන සම්මානයයි මෙලෙස වින්ඩි ගුණතිලක දිනා ගනු ලැබුවේ.
වින්ඩි ගුණතිලක සහ සනුක වික්රමසිංහ විසින් ගායනා කරන මෙම ගීතය සිංහල සහ දමිළ ගී පදවල සම්මිශ්රණයක් වන අතර එය ලියා ඇත්තේ ඉන්දීය සංගීත ක්ෂේත්රයේ ප්රසිද්ධියක් උසුලන ශ්රී ලාංකික ගීත රචකයෙකු වන ‘පොත්තුවිල් අස්මින්’ විසින්.
සනුක වික්රමසිංහ සහ පොතුවිල් අස්මින් සමඟින් වින්ඩි ගුණතිලක සිය සම්මානය ලබා ගත්තේ ඉන්දීය රසික රසිකාවියන්ගේ උණුසුම් ප්රතිචාර මැදයි.
එම අවස්ථාවට ජනප්රිය ගායන ශිල්පී රූකාන්ත ගුණතිලක සහ චන්ද්රලේඛා පෙරේරා ද සහභාගී වී සිටියා.
