සුනඛයන්ගේ මළපහ එම සතුන්ගේ හිමිකරුවන් විසින් නිසි පරිදි බැහැර නොකරන්නේ නම් එය විශාල දඩ මුදලකට ලක්විය හැකි වරදක් බවට ඔස්ට්රේලියානු සුනඛ හිමිකරුවන්ට දැනුම්දීමක් සිදු කර තිබෙනවා.
ප්රාන්ත සහ ප්රදේශ හතක කවුන්සිල 12ක දත්ත අනුව කළ සමීක්ෂණයකින් හෙළි වී ඇත්තේ මෙම දඩ මුදල් නිකුත් කරනු ලබන්නේ කලාතුරකින් වීම හේතුවෙන් ජනතාවට එම වරද පිළිබඳ තැකීමක් නොමැති බවයි.
සුනඛ අපද්රව්ය හේතුවෙන් සාමාන්ය ජනතාවගේ සෞඛ්යයට සහ පරිසරයට බලපෑම් ඇති කළ හැකි අතර එම මළපහවල අඩංගු බැක්ටීරියා හේතුවෙන් රෝග මෙන්ම දේශීය ශාක සහ සතුන්ට ද අහිතකර බව විශේෂඥයන් පෙන්වා දෙනවා.
මෙල්බන් විශ්ව විද්යාලයේ නාගරික විවිධත්ව පර්යේෂකක් වන කයිලි සෝන්ස් පෙන්වා දෙන්නේ සුනඛ සුරතලුන්ගේ මළපහ ස්වභාවධර්මයේ කොටසක් ලෙස සිතුව ද එය එලෙස නොවන බවයි.
කොවිඩ් වසංගතයෙන් පසු මෙරට සුනඛ හිමිකාරිත්වය ඉහළ ගොස් ඇති අතර පවුල් ඒකකවලින් අඩකට ආසන්න ප්රමාණයක සුනඛයෙක් සිටින බවයි සඳහන් වන්නේ.
එමෙන්ම සුනඛයන් දේශීය සතුන්ට ද තර්ජනයක් ලෙස හඳුනාගෙන ඇති අතර සුනඛ මළපහ ජල දූෂණයට ද සැලකිය යුතු දායකත්වයක් සපයන බව නව පර්යේෂණයකින් හෙළි කරගෙන තිබෙනවා.
සුනඛ මළ මූත්රා බැහැර කිරීමට අපොහොසත් වීම සම්බන්ධයෙන් ඉහළම දඬුවම් වාර්තා කර ඇත්තේ ඩාර්වින් නගරයේ වන අතර සුනඛ අසූචි නිසි ලෙස බැහැර නොකිරීම හේතුවෙන් හිමිකරුවන්ට ඩොලර් 528ක ස්ථානීය දඩයක් නියම කර ඇති බව සඳහන්.
එය මහේස්ත්රාත්වරයෙකු හමුවට ඉදිරිපත් කළ අපරාධ වරදක් ලෙස දඩයක් නියම කළ විට ඩොලර් 9250ක උපරිමයක් ද වනු ඇති බවයි දැනුම් දෙන්නේ.
මෙරට සියලුම උද්යානවල සහ සුනඛයන් ගැවසෙන පොදු ස්ථානවල ඔවුන්ගේ අපද්රව්ය බැහැර කිරීමට පහසු කිරීම සඳහා බඳුන් සහ කුණු බෑග් ස්ථාපිත කර තිබෙනවා.
වැරදිකරුවන් හඳුනාගැනීමේ අපහසුව සහ මහජනතාව විසින් වාර්තා නොකිරීම හේතුවෙන් මෙම වරද සඳහා දඩ මුදල් අය කර ගැනීමට නොහැකි වී ඇති බවයි සඳහන් වන්නේ.
එමෙන්ම ක්වීන්ස්ලන්ඩ් කවුන්සිල කිහිපයක් පසුගියදා තම සුනඛයන් අත්හැර දමා සිටි හිමිකරුවන් සඳහා ඩොලර් 2700ක් දක්වා දඩ මුදලක් ද හඳුන්වා දෙනු ලැබුවා.
