ඔස්ට්රේලියාවේ සිල්ලර වෙළඳ ක්ෂේත්රයට නව ගෙවීම් ක්රමයක් හඳුන්වා දීමේ පර්යේෂණයක් ආරම්භ වී තිබෙනවා.
නව සොයා ගැනීම් මගින් මුහුණු හඳුනාගැනීමේ තාක්ෂණය යථාර්ථයක් විය හැකි අතර එමගින් සාප්පුවලදී කරන මිලදී ගැනීම් සඳහා ගෙවීම් කිරීමට මුහුණ භාවිතා කිරීමට පාරිභෝගිකයින්ට හැකි වනු ඇති බවයි පැවසෙන්නේ.
ගනුදෙනු සම්පූර්ණ කිරීමට පාරිභෝගිකයාගේ මුහුණෙ ජීව විද්යාත්මක දත්ත භාවිත කරන අතර දැනටමත් චීනය සහ ඇමරිකා එක්සත් ජනපදය වැනි රටවල මුහුණු හඳුනාගැනීමේ තාක්ෂනය මගින් ගෙවීම් කටයුතු ප්රායෝගිකව ක්රියාත්මක බව සඳහන්.
මෙම තාක්ෂණය හේතුවෙන් මුදල් පසුම්බියක් හෝ දුරකථනයක් අවශ්ය නොවන අතර මුහුණ පෙන්වීමෙන් පමණක් බිල්පත පියවෙනු ඇති.
මුදල් රහිත සමාජයක් ඔස්ට්රේලියාව තුළ නිර්මාණය වෙමින් පවතින තත්වයක් මත ක්වීන්ස්ලන්ඩ් තාක්ෂණ විශ්ව විද්යාලයේ පර්යේෂකයන් මෙම ක්රමවේදය ඔස්ට්රේලියාවේ ක්රියාත්මක කිරීමට ඇති හැකියාව සම්බන්ධයෙන් සොයා බලා තිබෙනවා.
ව්යාපාරිකයන් පෙන්වා දෙන්නේ භාණ්ඩ සොරකම් කරන්නන් වඩාත් පහසුවෙන් හඳුනා ගැනීමට සහ සොරකම් නතර කිරීමට තාක්ෂණය භාවිතා කළ හැකි බවයි.
ඔස්ට්රේලියානුවන් තම මුහුණු භාවිතා කර ගෙවීමට කැමති වන්නේ නම් එය කරදරයකින් තොර ක්රියාවලියක් බව විශ්ව විද්යාල පර්යේෂකයන් පෙන්වා දෙනවා.
එමන්ම මුහුණු හඳුනාගැනීමේ තාක්ෂණය අලුත් දෙයක් නොවන අතර එය වර්තමානයේ භාවිත කෙරෙන බොහෝ ජංගම දුරකථනවල ද භාවිතා කෙරෙනවා.
එම විශේෂාංගය තම දුරකථනයේ සාර්ථකව භාවිතා කරන සාප්පු සවාරි යන පාරිභෝගිකයෙකුට, මුහුණ පෙන්වා ගෙවීමේ තාක්ෂණය සාප්පු, කැෆේ හෝ ආපනශාලාවල ගනුදෙනු කිරීමට භාවිතා කිරීමට කැමති වනු ඇති බවයි සමීක්ෂකයන් පෙන්වා දෙන්නේ.
