ඔස්ට්රේලියානුවන්ගෙන් වැඩි පිරිසකට මාසික වැටුප් දින වන විට පෙර මාසික වැටුපෙන් ඉතිරි කරගත් මුදලක් නොමැති බව නව අධ්යනවයදී තහවුරු වී තිබෙනවා.
Fimder සමීක්ෂණයකට එක්වු ඔස්ට්රේලියානුවන්ගෙන් සියයට 52ක් පමණ ඊළඟ වැටුප් දිනය පැමිණිමටත් පෙර ගතවූ මාසයේ වැටුප සම්පූර්ණයෙන්ම වියදම් කර ඇති බවයි අනාවරණය වී ඇත්තේ.
සමීක්ෂණයට සහභාගිවුවන්ගෙන් සියයට 16ක් පමණ කියා සිටියේ සෑම මසකම ඩොලර් 249ක පමණ හිඟයක් මාස අවසානය වන විට පවතින බවයි.
මෙම තත්වය සමස්ථ ඔස්ට්රේලියානුවන්ට ආදේශ කිරීමෙන්, සෑම මසකම ඩොලර් මිලියන 678ක මාසික මුදල් හිඟයක් ඔස්ට්රේලියානුවන් අතර පවතින බවට හෙළිවී තිබෙනවා.
මාසික වැටුප ලැබුණු විගස බොහෝ දෙනෙකු පළමු දිනවල වැඩි වශයෙන් මුදල් වියදම් කරන අතර අත්යවශ්ය කටයුතු සඳහා හදිසි අරමුදලක් නොමැතිකම සහ ලබා ගත් ණය ආපසු ගෙවීම හේතුවෙන් මුදල් ඉතිරි කර ගත නොහැකි බවයි හඳුනාගෙන ඇත්තේ.
සමීක්ෂණයට සහභාගි වු ඔස්ට්රේලියානුවන්ගෙන් සියයට 69ක් සඳහන් කර ඇත්තේ ජීවන වියදම හමුවේ තමන් දැඩි පීඩනයකින් පසුවන බවයි.
තවත් සියයට 15ක් මූල්ය කළමණාකරණය නිසි පරිදි සිදුකිරීමට නොහැකි වීම හේතුවෙන් ණය ගැටලුවලට මුහුණදෙන බව ප්රකාශ කර තිබෙනවා.
ෆයින්ඩර් පාරිභෝගික පර්යේෂණ ප්රධානී ග්රැහැම් කුක් පැවසුවේ වර්තමානයේදී ඔස්ට්රේලියානුවන්ට ජිවත් වීම දැරිය නොහැකි තත්වයකට පත්ව ඇති බවයි.
