නිවාස කුලී වැඩිම ප්‍රාන්තයේ ඉහළම මිල ගණන් සහිත ප්‍රදේශ මෙන්න

ඔස්ට්‍රේලියාවේ කුලී නිවාස ගාස්තු වැඩිම ප්‍රාන්තය ලෙසට හඳුනාගෙන ඇති නිව් සවුත් වේල්ස්හි කුලී මිල ගණන් වැඩියෙන් අයකෙරෙන ප්‍රදේශ පිළිබඳ නවතම වාර්තාවක් නිකුත් කර තිබෙනවා.

සිඩ්නිහි නිරිතදිග ප්‍රදේශ කුලී නිවාස ගාස්තු වැඩිම අගයක් ගන්නා ප්‍රදේශය ලෙස නම් කර ඇති අතර එහි සතියකට ඩොලර් 640ක් එනම් සියයට 16.9ක විශාලතම වාර්ෂික ගාස්තු වැඩි වීමක් පෙන්නුම් කරන බවයි සඳහන් වන්නේ.

සිඩ්නි Outer West සහ the Blue Mountains ප්‍රදේශයන්හි කුලී නිවැසියන්ට සාමාන්‍යයෙන් සතියකට ඩොලර් 580ක් දක්වා වාර්ෂික ගාස්තු සියයට 13.7කින් මිල ගණන් වැඩි වන බවයි වාර්තා වන්නේ

නිව් සවුත්වේල්ස්හි කුලී නිවාස මිල අධිකම ස්ථානවලින් එකක් වන Eastern Suburbs හි සාමාන්‍යයෙන් සතියකට ඩොලර් 895ක් දක්වා සියයට 11.9කින් කුළී නිවාස ගාස්තු ඉහළ ගොස් තිබෙනවා.

Sutherland ප්‍රදේශයේ නිවාස කුලී අගය සාමාන්‍යයෙන් සතියකට ඩොලර් 720ක් වන අතර එය වාර්ෂිකව සියයට 10.8 ක ඉහළ යාමක්.

ඒ අනුව Sutherland ප්‍රදේශය නිව් සවුත්වේල්ස් හි කුලී නිවාස මිල වැඩිම ප්‍රදේශ අතුරින් 4 වන ස්ථානයට පත්ව තිබෙනවා.

මීට අමතරව Murray කලාපයේ කුලී නිවාස මිල අගය ද සැළකිය යුතු ලෙස ඉහළ ගොස් ඇති අතර එහි සතියකට ඩොලර් 420ක ගාස්තුවක් පෙන්නුම් කෙරෙනවා.

තවද යන Blacktown Parramatta North Sydney and Hornsby ප්‍රදේශ ද නිව් සවුත් වේල්ස් ප්‍රාන්තයේ වැඩි මුදලකට කුලී නිවාස අලෙවි වන ප්‍රදේශ ලෙසයි නම් කර ඇත්තේ.