බ්රිස්බේන් ගුවන් ගමන් පාලකවරයෙකු තම සේවා මුරය අතරතුර නිදා සිටියදී හමුවීමේ සිදුවීමක් පිළිබඳ වාර්තා වී තිබෙනවා.
Australia’s transport watchdog පෙන්වා දෙන්නේ ගුවන් ගමන් පාලකවරයෙකු මෙලෙස සේවය කරන අතර නිදා සිටීමේ සිදුවීමෙන් ඔවුන්ගේ සේවා මුර විවේකයක් ද සහිතව කළමනාකරණය කිරීමේ අවශ්යතාවය ඉස්මතු කරන බවයි.
ඔස්ට්රේලියානු ප්රවාහන ආරක්ෂණ කාර්යාංශයේ (ATSB) වාර්තාවක දැක්වෙන්නේ 2022 වසරේ දෙසැම්බර් 9 වනදා උදෑසන 5.15 ට පමණ තම සේවා ස්ථානයේ පුටු දෙකක් යොදා ගනිමින් මෙම පාලකවරයා නිදා සිට ඇත බවයි.
ඔහු අඛණ්ඩව රාත්රී වැඩ මුර කිහිපයක සේවයේ නිරත වී ඇති අතර නිසි විවේකයක් ද ලැබී නොතිබීම හේතුවෙන් ඇති වූ තෙහෙට්ටුව මත මෙලෙස නිදා සිට ඇති බවයි සඳහන් වන්නේ.
කෙසේවෙතත් ඔහු නිදාසිටි අවස්ථාව වන විට ඔවුන් වගකිව යුතු Cairns ගුවන් අවකාශයේ ගමනාගමනයක් තිබී නොමැති අතර එම වේලාවට එය සාමාන්ය තත්වයක් බව සඳහන්.
නිදා සිටි ගුවන් ගමන් පාලකවරයාගේ සේවා මුරය අවසන් වන තෙක් නියමිත ගුවන් ගමන් ද තිබී නොමැති වුව ද ගුවන්විදුලි පණිවුඩයකින් ලැබුණු දැනුම් දීමක් හෝ සන්නිවේදනය ප්රමාද වීමේ අවදානමක් මතු වුයේ නම් තත්වය බරපතල වීමට ඉඩ තිබූ බවයි වාර්තාව පෙන්වා දී ඇත්තේ.
මෙම සිදුවීමෙන් ගැටළුවක් මතු නොවුණ ද ගුවන් ගමන් පාපලකවරුන්ගේ සේවා මුර කාලසටහන් සහ තෙහෙට්ටුව අවම කර ගැනීමේ පියවර කළමනාකරණය කිරීමේ අවශ්යතාව ඉස්මතු කරන බව ඔස්ට්රේලියානු ප්රවාහන ආරක්ෂණ කාර්යාංශ වාර්තාව මගින් පෙන්වාදී තිබෙනවා.
මෙම සිද්ධියෙන් පසු, Airservices Australia විසින් එහි සමස්ත ගුවන් ගමන් පාලක නිලධාරීන් සංඛ්යාව වැඩි කර ඇති අතර නව මාර්ගෝපදේශ සහ පුහුණු වැඩසටහන් ද සකස් කර ඇති බවයි වාර්තා වන්නේ.
