මෙල්බන්හි මෙන්ටෝන් (Mentone) ප්රදේශයේ පිහිටි සෙන්ට් බේඩ්ස් විද්යාලයේ (St Bede’s College) ආරක්ෂාව තර කිරීමට පියවර ගෙන තිබෙනවා.
සමාජ මාධ්ය ඔස්සේ එල්ල වූ තර්ජනයක් පාසල වසා දැමීමට හේතුව බවයි සඳහන් වන්නේ.
අද උදෑසන පාසල අගුලු දමමින් පාසල් බලධාරීන් දෙමව්පියන්ට කෙටි පණිවුඩයක් යොමු කරමින් ප්රකාශ කර ඇත්තේ සියලුම ළමයින් ආරක්ෂිතව සිටින බවයි.
මෙලෙස ආරක්ෂාව තර කිරීම හේතුවෙන් කිසිවෙකුට පාසලට ඇතුලු වීමට හෝ පාසලේ සිටින කාර්ය මණ්ඩලය ඇතුලු සිසුන් කිසිවෙකුටත් පිටතට යාමට අවස්ථාවක් හිමිවන්නේ නැහැ.
පාසල විසින් දෙමව්පියන්ට යැවූ පණිවුඩයේ දැක්වෙන්නේ පාසල තවමත් සියලුම සිසුන් සහ කාර්ය මණ්ඩලය ආරක්ෂිත බවයි.
අද පෙරවරු 10ට පමණ මෙම සිදුවීම වාර්තා වූ අතර ආරක්ෂක පියවරක් ලෙසට පොලිස් කණ්ඩායම් ද පාසලට පැමිණ තිබෙනවා.
මෙම සිද්ධියට හේතු වූ බව කියන ඊයේ රාත්රී 11 ට පමණ කිසියම් අයෙකු තැබූ තර්ජනාත්මක සමාජ මාධ්ය සටහනක් පිළිබඳව විමර්ශනය කරන බව පොලිස් නිලධාරීන් ප්රකාශ කළා.
පොලිසිය නිවේදනයක් නිකුත් කරමින් කියා සිටියේ මෙම තර්ජනය සිදු කරනු ලැබුවේ කවුරුන්ද යන්න සොයා බලමින් සිටින අතර මෙන්ටෝන් හි සෙන්ට් බේඩ්ස් විද්යාලයට මෙතෙක් අවදානමක් නොමැති බවයි.
