කෙටි කාලීන කුලී නවාතැන් සපයන්නන් සඳහා වික්ටෝරියා රජය විසින් හඳුන්වා දුන් බද්දට එරෙහිව පියවර ගන්නා බව Airbnb ආයතනය පවසනවා.
භාණ්ඩාගාරික Tim Pallas පසුගිය සතියේ නිවේදනය කළේ මෙම බද්ද ඉදිරියේදී ද අය කෙරෙන අතර එමගින් ලබන වසරේ සිට Airbnb සහ Stayz හරහා වෙන් කරවා ගන්නා සංචාර සඳහා අමතර සියයට 7.5ක ගාස්තුවක් අය කරන බවයි.
ඊට ප්රතිචාර වශයෙන් Airbnb විසින් පුවත්පත්වල සම්පූර්ණ පිටුවක දැන්වීමක් පළ කර ඇත්තේ ප්රාන්ත රජයේ නව බද්දෙන් සංචාරක ව්යාපාරයට හානි සහ වියදම් වැඩි වන බවට තර්ක කරමින්පෙන්වා දෙමින්.
රජය විසින් ගෙන එන ලද නීති යටතේ කෙටි කාලීන කුලී දේපල හිමියන් සීමා කිරීමට හෝ තහනම් කිරීමට ප්රාදේශීය සභාවලට නව බලතල ලබා දෙනු ඇති.
මෙම නීති සැලසුම් කර ඇත්තේ වික්ටෝරියා ප්රාන්තයේ ඇති 50,000ක් පමණ වන තාවකාලික කුලී දේපල දීර්ඝ කාලීන කුලී නිවාස බවට පත් කිරීමට ආයෝජකයින් දිරිමත් කිරීම මගින් එම නිවාස නිදහස් කර ගැනීම සඳහා යි.
Airbnb සමාගමේ ප්රධානියෙකු වන Michael Crosby පසුගියදා ප්රකාශ කළේ තමන් සමග සම්බන්ධ වී තාවකාලික කුලී නිවාස ලබාදෙනු ලබන්නේ සාමාන්ය ආදායම් ලබන දෙමව්පියන් ඇතුලු වික්ටෝරියානුවන් වන අතර ඔවුන් අමතර ආදායමක් උපයා ගැනීමට උත්සාහ කරන බවයි.
නව බද්ද හේතුවෙන් සංචාරකයින්ට නිවාඩු සඳහා වැය කෙරෙන මුදල ඉහළ යාම, තෝරා ගැනීමට ඇති නවාතැන් ප්රමාණය අඩු වීම මෙන්ම දේශීය ව්යාපාර සඳහා ලැබෙන ආදායම අඩු වීමක් වනු ඇති බව ද ඔවුන් පෙන්වා දෙනවා.
කෙසේවෙතත් මෙම බද්දෙන් සංචාරක කර්මාන්තයට හානියක් සිදුවන බවට තමන් පිළිනොගන්නා බවයි ඊයේ පැවති මාධ්ය හමුවකදී සෞඛ්ය ඇමතිනී මේරි ඈන් තෝමස් කියා සිටියේ.
