ඔස්ට්රේලියාවේ Gloria Jean’s Coffees සමාගමට අයත් සියලු අලෙවිසල් මුදල් රහිත ගනුදෙනු සඳහා යොමුවීමට තීරණය කර තිබෙනවා.
ලබන සතියේ සිට නව අත්හදා බැලීම ආරම්භ කරන අතර තම ආයතනයේ සේවාවන් ලබා ගන්නා පාරිභෝගිකයන් බොහෝ දෙනෙකුගේ ගෙවීම් පිළිබඳ අධ්යනයකින් පසු මෙම පියවර ගත් බවයි සමාගම සඳහන් කළේ.
මේ අනුව Gloria Jean’s Coffees අලෙවිසල්වල ලබන 11 වනදා සිට මුදල් රහිතව ගනුදෙනු සිදුවන බව නිවේදනය කර තිබෙනවා.
මෙම නව පියවර ගැනීමේ මුලික අරමුණ වී ඇත්තේ පාරිභෝගික ගෙවීම් මනාපයන් අනුව ව්යාපාරය පවත්වාගෙන යාම සහ මුදල් සංසරණය අඩු කිරීම මගින් සේවක මණ්ඩලයේ ආරක්ෂාව ඉහළ නැංවීම බවයි සමාගම සඳහන් කළේ.
මුදල් රහිත සේවාවන් ලබාදීම මගින් කාර්ය මණ්ඩලය සඳහා ආරක්ෂිත පරිසරයක් නිර්මාණය වීම පමණක් නොව ගනුදෙනුකරුවන්ට වඩාත් කාර්යක්ෂම සේවාවක් ලබාදීමට ඉඩ සැලසෙන බව ඔවුන් පෙන්වා දෙනවා.
Gloria Jean’s සමාගමට වික්ටෝරියා ප්රාන්තයේ අලෙවිසල් 28ක්, නිව් සවුත්වේල්ස් ප්රාන්තයේ හතරක්, ක්වීන්ස්ලන්ඩ් ප්රාන්තයේ තුනක් වශයෙන් රට පුරා අලෙවි ජාලයක් පවතිනවා.
Gloria Jean’s Coffees පළමු වරට 1979 දී ඇමරිකා එක්සත් ජනපදයේ විවෘත කරන ලද අතර 1996 දී සිඩ්නි නගරයේ ආරම්භ කිරීමෙන් පසු රට පුරා ශාඛා ව්යාප්ත කෙරුණා.
