ගෝල්ඩ් කෝස්ට් හි ඩ්රීම්වර්ල්ඩ් උද්යානයේ සේවය කරමින් සිටි කාන්තාවකට ව්යාඝ්රයෙකු විසින් පහර දීමේ සිදුවීමක් වාර්තා වනවා.
ඇය මෙම ප්රහාරයෙන් බරපතල තුවාල ලබා ගෝල්ඩ් කෝස්ට් රෝහලට ඇතුලත් කර ඇති බවයි වාර්තා වන්නේ.
ඩ්රීම්වර්ල්ඩ් හි සත්වයන් හසුරුවන්නෙකු ලෙස සේවය කරන මෙම 30 හැවිරිදි කාන්තාවට අද පෙරවරු 9ට පමණ එල්ල වූ ප්රහාරයෙන් දෙඅත්වලට ගැඹුරු තුවාල සිදුවී තිබෙනවා.
ක්වීන්ස්ලන්ඩ් ගිලන්රථ සේවයේ වෛද්යවරුන් පැවසුවේ ඇය ගෝල්ඩ් කෝස්ට් රෝහල (Gold Coast University Hospital) වෙත ගෙන යාමට පෙර මූලික ප්රතිකාර ලබා දුන් බවයි.
අද දිනයේ Dreamworld උද්යානය මහජනතාවට විවෘත කිරීමට පෙර මෙම සිදුවීම වාර්තා වී තිබෙනවා.
ගෝල්ඩ් කෝස්ට් හි ඩ්රීම්වර්ල්ඩ් උද්යානයේ සුමාත්රා සහ බෙංගාල විශේෂයේ ව්යාඝ්රයන් නව දෙනෙකු සිටින අතර එම ස්ථානය ඩ්රීම්වර්ල්ඩ් වෙත පැමිණෙන සංචාරකයන්ගේ වඩාත් ආකර්ෂණය දිනා ගත් ස්ථානයක් ලෙසටයි සැලකෙන්නේ.
මෙම සිදුවීම සම්බන්ධයෙන් නිවේදනයක් නිකුත් කරමින් උද්යාන ක්රියාකරුවන් සඳහන් කළේ හොඳින් පුහුණුව ලැබූ සතුන් හසුරුවන්නෙකුට ව්යාඝ්රයෙකු පහරදී ඇති බවයි.
මෙය දුර්ලභ සිදුවීමක් වන අතර ඒ සම්බන්ධයෙන් විධිමත් විමර්ශනයක් සිදු කරන බව ද එම නිවේදනයේ සඳහන්.
