ඔස්ට්රේලියාවේ ඉහළ යන ජීවන වියදම් පීඩනය හේතුවෙන් ක්රෙඩිට් කාඩ් මත පනවා ඇති අධිභාර (credit card surcharges) ඉවත් කිරීමට අවධානය යොමුවී තිබෙනවා.
ක්වීන්ස්ලන්ඩ් ප්රාන්තයේදී මාධ්ය වෙත අදහස් දක්වමින් අගමැති ඇන්තනි ඇල්බනිස් සඳහන් කර ඇත්තේ ප්රධාන ගැටළුවක්ව පවතින ජීවන වියදම ගැටලුව විසඳීම සඳහා කැපවී සිටින බවයි.
ඔස්ට්රේලියානු මුල්ය ආයතනවලට තම ගනුදෙනුකරුවන්ට සහන ලබා දීමේ වගකීමක් ඇති බවයි අගමැතිවරයා ප්රකාශ කළේ.
බැංකු ප්රධානීන් ද මෙම අධිභාරය ඉවත් කිරීමට සහාය දෙන බැවින් අවහන්හල් මෙන්ම සුපිරි වෙළඳසල් ඇතුළු සියලු ගෙවීම් මත පැනවෙන අධික ගාස්තු ඉවත් වනු ඇති බව සඳහන්.
මෙම බදු මුදල එතරම් විශාල නොවුන ද විශේෂඥයින් පවසන්නේ ජීවන වියදම සමඟ අරගල කරන විට ඔස්ට්රේලියානුවන්ට එම මුදල ද වටිනාකමක් බවයි.
ඇතැමුන් මෙම ගාස්තු සඳහා වසරකට ඩොලර් දස දහස් ගණනක් වියදම් කරන අතර අධිභාර සම්බන්ධයෙන් වඩාත් පැහැදිළි විනිවිද පෙනෙන නීති පවතින්නේ නම් එය පහසු වනු ඇති බවයි ඔවුන් පෙන්වා දෙන්නේ.
Eftpos සඳහා මේ වන විට පවතින සියයට 0.5 ට අඩු ගාස්තුව, Visa and Mastercard debit සඳහා සියයට 0.5ක් මෙන්ම Visa and Mastercard credit සඳහා වන සියයට 01 සහ සියයට 1.5 අතර බදු වෙනස් කිරීම සඳහා සංචිත බැංකුව සීමාවන් සකසමින් පවතින බව සඳහන්.
කෙසේවෙතත් මෙම අධිභාර තහනම් කිරීම ඔස්ට්රේලියාවේ අවන්හල් සහ කැෆේ සඳහා බලපෑමක් ඇති කරන බවයි Australian Restaurant සහ Café සංගමයේ ප්රධාන විධායක නිලධාරී Wes Lambert කියාසිටියේ.
