පැයට කිලෝමීටර් 130ක දැඩි සුළං තත්වයක් ප්රාන්තය හරහා හමා යෑම සහ දැඩි වර්ෂාපතනයක් හේතුවෙන් වික්ටෝරියා ජනතාවට ආරක්ෂිතව නිවෙස්වල රැඳී සිටින ලෙස උපදෙස් ලබාදී තිබෙනවා.
අද වික්ටෝරියා ප්රාන්තයේ බොහෝ ප්රදේශවලට දැඩි සුළං තත්වයක් ඇති වීමට නියමිත අතර එමගින් ගස් කඩා වැටීම මෙන්ම වෙරළ තීරයේ ද උස් රළ ඇති විය හැකි බවයි දැනුම් දෙන්නේ.
වික්ටෝරියා හදිසි සේවා නිලධාරීන් මධ්යම සහ දකුණු ප්රදේශවල ජීවත් වන ජනතාවට දැඩි කාලගුණික අනතුරු ඇඟවීමක් නිකුත් කර ඇති අතර අද පස්වරුව වන විට සුළං තත්වය තවත් දැඩි වනු ඇති බව සඳහන්.
මෙල්බන් ද ඇතුළුව මධ්යම වික්ටෝරියා ප්රදේශයට අද දහවල් කාලයේ සාමාන්යයෙන් පැයට කිලෝමීටර 50 සිට 65 දක්වා වන සුළංඇති විය හැකි අතර අද පස්වරුවේ පැයට කිලෝමීටර 130 දක්වා වන සුළං හමා යාමට නියමිතයි.
බටහිර වික්ටෝරියා, Geelong, Mornington අර්ධද්වීපය සහ Gippsland අවට ප්රදේශවල ද ප්රබල සුළං තත්වයක් අපේක්ෂා කෙරෙනවා.
මෙම කාලගුණික තත්ත්වයන් හමුවේ ඇති විය හැකි අනතුරුදායක තත්ත්වයන් පිළිබඳව අවධානයෙන් සිටින ලෙස හදිසි සේවා නිලධාරීන් ප්රදේශවාසීන්ට උපදෙස් දී තිබෙනවා.
වික්ටෝරියා ප්රාන්ත ජනතාවට නිවසින් පිටතට යාමෙන් වළකින ලෙසත් නිවසේ සිට වැඩ කරන ලෙසත් ඔවුන් දැනුම් දෙනවා.
හානි වූ ගොඩනැගිලි, කඩා වැටුණු ගස් සහ අතු මෙන්ම ඇද වැටී ඇති විදුලි රැහැන් සම්බන්ධයෙන් ද සැලකිලිමත් වන ලෙසටයි උපදෙස් ලබාදී ඇත්තේ.
