බාලි දුපත්වලදී සිදු වූ යතුරුපැදි අනතුරකින් ඔස්ට්රේලියා තරුණයෙකු ජීවිතක්ෂයට පත්වී තිබෙනවා.
ක්වීන්ස්ලන්ඩ් ප්රාන්තයේ පදිංචිකරුවෙක් වන 30 හැවිරිදි ඔහු තම පෙම්වතිය සමග යතුරුපැදියකින් ගමන් කරමින් සිටියදී අනතුරට ලක්වී ඇති බවයි වාර්තා වන්නේ.
ඔවුන් දෙදෙනා තම මිතුරෙකුගේ විවාහ මංගල්යයක් සඳහා බාලි වෙත ගොස් ඇති අතර පසුව යතුරුපැදි සවාරියක් සඳහා ගොස් ඇති බව සඳහන්.
කඳුකර ප්රදේශයක් නැරඹීමට යතුරුපැදියෙන් ගමන් කිරීමේදී වංගු සහිත මාර්ගයේ යතුරුපැදිය පාලනය කර ගැනීමට නොහැකිව පාලනයෙන් ගිලිහි ගොස් කොන්ක්රීට් කණුවක හැපී අනතුරට ලක්වී තිබෙනවා.
මියගිය තරුණයා යතුරුපැදි ක්ෂේත්රයේ ප්රසිද්ධ වූ පළපුරුදු අයෙක් බව ද ඔහුගේ මිතුරන් ප්රකාශ කර තිබෙනවා.
විදේශ කටයුතු දෙපාර්තමේන්තුව සහ මියගිය තරුණයාගේ පවුලේ සාමාජිකයන් ඔහුගේ දේහය නිවසට ගෙන ඒමේ කටයුතු සිදු කරමින් සිටින බවයි වාර්තා වන්නේ.
