සිඩ්නි ඇෂ්ෆීල්ඩ් (Ashfield) ප්රදේශයේදී පිහි ඇනුමකින් තුවාල ලැබූ පුද්ගලයන් තුන් දෙනෙකු රෝහල් ගත කර තිබෙනවා.
ඊයේ මධ්යම රාත්රියේ ඇෂ්ෆීල්ඩ් හි චාලට් ස්ට්රීට් හි (Charlotte Street) ගොඩනැගිල්ලක සිටියදී තුවාලකරුවන්ගෙන් දෙදෙනෙකු හමුවූ බවයි පොලිසිය සඳහන් කළේ.
28 හැවිරිදි තරුණයෙකුගේ ගෙලට සහ පාදයකට තුවාල සිදුවී ඇති අතර 29 හැවිරිදි තරුණයෙකුගේ අතකට පිහි ඇනුමෙන් තුවාල සිදුවී තිබෙනවා.
31 හැවිරිදි පුද්ගලයෙකු තමන්ට පහර දී පළා ගිය බවයි ඔවුන් පොලිසියට පවසා ඇත්තේ.
ගිලන් රථ වෛද්යවරුන් විසින් මෙම තරුණයන් දෙදෙනාට එම ස්ථානයේදී මූලික ප්රතිකාර ලබාදී ප්රින්ස් ඇල්ෆ්රඩ් රෝහල වෙත රැගෙන ගොස් තිබෙනවා.
මේ අතර මෙම පිහි ඇනුමට සම්බන්ධ බවට සැකකෙරෙන 31 හැවිරිදි පුද්ගලයෙකු අද අලුයම 2.10 ට ඇෂ්ෆීල්ඩ් හි ආතර් ස්ට්රීට් හිදී (Arthur Street) පොලිසිය විසින් සොයා ගෙන තිබෙනවා.
එක් අතක බරපතල තුවාලයක් ඇති එම පුද්ගලයා සෙන්ට් ජෝර්ජ් රෝහලට ගෙන යන ලද අතර ඔහු පොලිස් ආරක්ෂාව යටතේ ප්රතිකාර ලබන බව සඳහන්.
මෙම සිද්ධියට සම්බන්ධ පුද්ගලයන් තිදෙනාම එකිනෙකා හඳුනන අය බවට විශ්වාස කෙරෙන අතර මේ සම්බන්ධයෙන් තොරතුරක් දන්නා අයෙක් සිටී නම් පොලිසියට දැනුම් දෙන ලෙසට ඉල්ලීමක් කෙරෙනවා.
