තිරිංග පද්ධතියේ දෝෂයක් හේතුවෙන් ඔස්ට්රේලියාවේ අලෙවි කරනු ලැබූ රෝල්ස් රොයිස් මෝටර් රථ මාදිලියක් නැවත කැඳවා තිබෙනවා.
රෝල්ස් රොයිස් ස්පෙක්ටර් විදුලි මෝටර් රථ කිහිපයක හදිසි අනතුරකට ලක්විය හැකි තිරිංග දෝෂයක් මත මෙම නැවත කැඳවීම සිදු කරන බවටයි දැනුම් දී ඇත්තේ.
ප්රවාහන දෙපාර්තමේන්තුව සඳහන් කළේ ඩොලර් මිලියනයකට වඩා වැඩි වටිනාකමකින් යුත් දෝෂය සහිත මෝටර් රථවල රියදුරුට තිරිංග සඳහා වැඩි බලයක් යෙදීමට සිදුවන බවයි.
මෙම නිෂ්පාදන දෝෂය මගින් අනතුරක් වීමේ අවදානම වැඩි කළ හැකි බවයි දෙපාර්තමේන්තුව අනතුරු අඟවා ඇත්තේ.
ඇතැම් අවස්ථාවල තිරිංග යෙදුව ද එය ක්රියාත්මක වීමට සාමාන්ය වේලාවට වඩා වැඩි වේලාවක් ගත වනු සඳහන්.
තිරිංග පද්ධතියේ කාර්ය සාධනය අඩු වීම මගින් වාහනවල ගමන් කරන්නන්, පදිකයින් සහ අනෙකුත් මාර්ග භාවිතා කරන්නන්ට තුවාල වීමට හේතු වන අනතුරක අවදානම වැඩි කළ හැකි බව දැනුම් දෙනවා.
මෙම නැවත කැඳවීම 2023 වසරේ සිට 2024 දක්වා මාදිලි අංක RR25 ඇති ස්පෙක්ටර් මෝටර් රථ වර්ග 23කට බලපාන බවයි පැවසෙන්නේ.
බලපෑමට ලක් වූ වාහන හිමිකරුවන් සපයා ඇති උපදෙස් පිළිපැදිය යුතු අතර වහාම තමන් ළඟම ඇති Rolls-Royce අලෙවි නියෝජිත අමතන ලෙසට ද දැනුම් දී තිබෙනවා.
අමතර කොටස් ලැබීමත් සමග බලපෑමට ලක් වූ වාහනවල හිමිකරුවන් සම්බන්ධ කර ගනිමින් තිරිංග ඒකකය නොමිලේ අලුත්වැඩියා කර දෙන බවයි දැනුම් දෙන්නේ.
