ශ්රී ලාංකේය සංගීත ක්ෂේත්රය වෙනුවෙන් සුවිසල් දායකත්වයක් සපයන ”රූකාන්ත ගුණතිලක කලා පවුල” ඔස්ට්රේලියාවේදී ඇගයීමට ලක්ව තිබෙනවා.
රූ සඳ රෑ ප්රසංගය වෙනුවෙන් රූකාන්ත ගුණතිලක ප්රමුඛ චන්ද්රලේකා පෙරේරා, රයිනී චාරුකා ගුණතිලක, සනුක වික්රමසිංහ සහ වින්ඩි විසිනුයි වික්ටෝරියා පාර්ලිමේන්තුවේදී මෙම සහතික හිමි කරගනු ලැබුවේ.
මෙම ඇගයීම් උළෙල සංවිධානය කර තිබුණේ ව්යවස්ථාදායක සභාවේ විපක්ෂ නියෝජ්ය නායක පාර්ලිමේන්තු මන්ත්රී ඉවාන් මුල්හෝලන්ඩ්, විපක්ෂ නායක ජෝන් පෙසුට්ටෝ, පාර්ලිමේන්තු මන්ත්රී රිචඩ් වෙල්ච් යන පිරිසකගේ සහභාගීත්වයෙන්.
ඔස්ට්රේලියානු පාර්ලිමේන්තු සංකීර්ණයේදී පැවති මෙම සහතික පිරිනැමීමේ අවස්ථාවේදී ශිල්පි රූකාන්ත ගුණතිලක සහ චන්ද්රලේඛා පෙරේරාට ශ්රී ලාංකේය සංගීත ක්ෂේත්රයට කළ විශිෂ්ට දායකත්වය වෙනුවෙන් විශේෂ සම්මාන ද්විත්වයක් පිරිනමා තිබෙනවා.
එමෙන්ම ඔවුන්ගේ දියණියන් වන රයිනි චාරුකා ගුණතිලක සහ වින්ඩි ගුණතිලක ද එහිදී සම්මානයට පාත්ර වුණා.
මෙම අවස්ථාව සඳහා සනුක වික්රමසිංහට ද ආරාධනා කර තිබුණ ද ඔහුට එම මොහොතට සහභාගී වීමට නොහැකි වූ බවයි වාර්තා වන්නේ.
