මෙල්බර්න් CBD හි ඉදිකිරීම් භූමියකට පිහියකින් සන්නද්ධව ඇතුළු වූ පුද්ගලයෙක් හේතුවෙන් එහි සේවය කරමින් සිටි කම්කරුවන් පිරිසක් ආරක්ෂිතව ඉවත් කිරීමට පියවර ගෙන තිබෙනවා.
අද උදෑසන 6.30 පමණ සිට Swanston St and Flinders Lane හි පිහිටි ඉදිකිරීම් භූමියට පිහියකින් සන්නද්ධව පුද්ගලයෙක් පැමිණ සිටින බවට ලැබුණු තොරතුරකට අනුව පොලිසිය පැමිණ ඔහු සමග සාකච්ඡා කරමින් සිටින බවයි සඳහන් වන්නේ.
පොලිසිය පැමිණ මෙම පුද්ගලයා අත්අඩංගුවට ගැනීමට සූදානම් වීමත් සමග ඔහු ඉදි කිරීම් සිදුවන ගොඩනැගිල්ලේ ඉහළ මහලක පිහිටි පලංචියකට නැග ඇති බව සඳහන්.
මේ හේතුවෙන් එම ස්ථානයේ සේවය කරමින් සිටි කම්කරුවන් 300කට වැඩි පිරිසක් ඉවත් කිරීමට පියවර ගෙන තිබුණා.
මෙම පුද්ගලයා අත්අඩංගුවට ගැනීමට පොලිසිය උත්සාහ කරමින් සිටින අතර තුවාල සිදුවීම් කිසිවක් වාර්තා වී නැහැ.
තත්ත්වය සමථයකට පත් කිරීමට උත්සාහ කරන බැවින් ආරක්ෂක පියවරක් ලෙස කම්කරුවන් ඉවත් කර ඇති බවයි පොලිසිය සඳහන් කළේ.
