නිව් සවුත්වේල්ස් ප්රාන්තයේ Hunter Valley ප්රදේශයේදී සහ ක්වීන්ස්ලන්ඩ් ප්රාන්තයේ බ්රිස්බේන් හිදී සිදු වූ ගුවන් යානා අනතුරු දෙකකින් පුද්ගලයන් 4 දෙනෙකු තුවාල ලබා තිබෙනවා.
Hunter Valley ප්රදේශයේ සෙස්නොක් ගුවන් තොටුපළේදී (Cessnock Airport) සැහැල්ලු ගුවන් යානයක් කඩා වැටීමෙන් ගුවන් නියමුවා ඇතුලු දෙදෙනෙකු තුවාල ලබා ඇති බවයි වාර්තා වන්නේ.
සෙස්නොක් ගුවන් තොටුපළට අද දහවල් 12.15ට පමණ ගොඩබෑමේදී අනතුර සිදු වී ඇති අතර 50 හැවිරිදි වියේ පසුවන ගුවන් නියමුවා රෝහල් ගත කර තිබෙනවා.
එහි සිටි අනෙක් පුද්ගලයා සුලු තුවාල ලබා ඇති බවයි වාර්තා වන්නේ.
මෙම අනතුර හේතුවෙන් ගුවන් තොටුපලේ මෙහෙයුම්වලට බාධාවක් නොමැති අතර ගුවන් සේවා කටයුතු අඛණ්ඩව සිදුවෙමින් පවතින බව සඳහන්.
මේ අතර බ්රිස්බේන් නගරයට ආසන්න කින් කිං (Kin Kin) ප්රදේශයේදී සැහැල්ලු ගුවන් යානයක් කඩා වැටීමෙන් එහි සිටි දෙදෙනෙකු තුවාල ලබා ඇතැයි වාර්තා වනවා.
ක්වීන්ස්ලන්ඩ් පොලිසිය පැවසුවේ කින් කිං හි මොරන් ගෘප් රෝඩ් (Moran Group Road) අසල පෞද්ගලික ඉඩමකට කඩා වැටුණු ගුවන් යානයේ ගමන් කරමින් සිට ඇත්තේ පුද්ගලයන් දෙදෙනෙකු පමණක් බවයි.
ඔවුන් දෙදෙනාට ජීවිතයට තර්ජනයක් නොමැති අතර අවුරුදු 20ක පමණ වයසක පසුවන තරුණයෙකු හෙලිකොප්ටරයකින් සන්ෂයින් කෝස්ට් රෝහල වෙත රැගෙන ගොස් තිබෙනවා.
අනෙක් පුද්ගලයට අනතුර සිදු වූ ස්ථානයේදීම ප්රතිකාර ලබාදී ඇති බවයි වාර්තා වන්නේ.
