2024 ජනාධිපතිවරණයට අදාළව ජනාධිපති රනිල් වික්රමසිංහගේ ප්රතිපත්ති ප්රකාශය අද පෙරවරුවේ එළිදක්වා තිබෙනවා.
“රනිල් සමග රට දිනවන වසර 5ක්” යන තේමාව යටතේ එළිදැක්වූ ලැබු එම ප්රතිපත්ති ප්රකාශය නම්කර ඇත්තේ ‘පුළුවන් ශ්රී ලංකා’ නමින්.
එහිදී ජනාධිපති රනිල් වික්රමසිංහ අතින් ‘පුළුවන් ශ්රී ලංකා’ නමින් වෙබ් අඩවිය ද ජනගත කළ බව සඳහන්.
ඒ අනුව www.ranil2024.com යන ‘පුළුවන් ශ්රී ලංකා’ වෙබ් අඩවියට ඔබටත් පිවිසිය හැකියි.
මෙහිදී පැවති උත්සවය අමතමින් ජනාධිපති රනිල් වික්රමසිංහ කළේ ශ්රී ලංකාව අපනයන ආර්ථිකයක් ඇති රටක් බවට පත්කළ යුතු බවයි.
එම රාමුව තුළ තමන් වැඩ කරන බවත්, බොරු පොරොන්දු ලබා දී ආර්ථිකය බිඳ දැමීමට කිසිඳු අවශ්යතාවක් නොමැති බවත් ජනාධිපතිවරයා එහිදී පෙන්වා දුන්නා.
ඉදිරි ගමන ආරම්භ වී ඇතත් සම්පූර්ණ වී නොමැති අතර ජනතාවගේ ජීවන බර අඩු වී, ඉන්ධන සැපයුම ස්ථාවර වී ඇති අතර ආර්ථිකය ක්රමයෙන් වැඩිදියුණු වෙමින් පවතින බව ජනාධිපතිවරයා ප්රකාශ කර තිබෙනවා.
තමා පොරොන්දු ලබා දෙන්නේ කළ හැකි දේ ගැන පමණක් වන අතර ඉදිරි වසර පහ තුළ රට වෙනුවෙන් තම උපරිමයෙන් කටයුතු කරන බවයි ඔහු සඳහන් කළේ.
ඉදිරි වසර පහ ශ්රී ලංකාවට ජයග්රාහී කාලයක් වනු ඇති අතර තමා ශ්රී ලංකාව ගොඩගන්නා බව ද පස් අවුරුදු මෙහෙයුමේ ප්රතිපත්ති ප්රකාශය මගින් ජනාධිපතිවරයා ප්රකාශ කර තිබෙනවා.
කොළඹ ටාජ් සමුද්රා හෝටලයේ දී පැවැත්වෙන මෙම උත්සවයට ආගමික නායකයින්, මැති ඇමතිවරු ඇතුළු විශාල පිරිසක් එක්ව සිටි බව ද සඳහන්.
