ඔස්ට්රේලියාවේ ජනප්රිය බර්ගර් අලෙවිසල් ජාලයක් වන MOS Burger මෙරට සියලු වෙළඳසැල් දින කිහිපයක් ඇතුළත වසා දමන බව නිවේදනය කර තිබෙනවා.
MOS Burger සමාජ මාධ්ය ඔස්සේ සිය ගනුදෙනුකරුවන්ට සහ සේවක මණ්ඩලයට සමුගැනීමේ නිවේදනයක් තබමින් ප්රකාශ කළේ අගෝස්තු 31 වනදා වෙළඳසැල වසා දමන බවයි.
ඔස්ට්රේලියාවේ අලෙවිසැල් වසා දැමීමට දුෂ්කර තීරණයක් ගෙන ඇති බව ජාත්යන්තර සන්නාමයක් වන MOS Burger සිය නිවේදනය මගින් ප්රකාශ කර තිබෙනවා.
වසර ගණනාවක් තිස්සේ පාරිභෝගිකයන් දැක්වූ සහයෝගයට ස්තුතිවන්ත වන අතර ඔස්ට්රේලියාවේ ජනතාවට සේවය කිරීම තම ආයතනයට ගෞරවයක් වන බවයි ඔවුන් සඳහන් කර ඇත්තේ.
MOS Burger ඔස්ට්රේලියාවේ ස්ථාන තුනක සිය සේවා පවත්වාගෙන ගිය අතර එම සියල්ල පිහිටා තිබුණේ ක්වීන්ස්ලන්ඩ් ප්රාන්තයේ යි.
MOS Burger ජපානයේ 1972 දී ආරම්භ කරන ලද අතර ආපනශාලා 1300 සමඟින් McDonald’s වැනි ආයතන සමග තරඟ කරමින් ඔවුන් ප්රමුඛතම ක්ෂණික ආහාර සමාගමක් බවට වර්ධනය වී තිබෙනවා.
සිංගප්පූරුව, තායිවානය, හොංකොං, තායිලන්තය, දකුණු කොරියාව සහ පිලිපීනය යන රටවල ආපනශාලා 400ක් ඇති MOS Burger ඔස්ට්රේලියාවේ ආයතනයක් මුලින්ම විවෘත කරනු ලැබුවේ 2011 වසරේ අප්රේල් මාසයේදීයි.
සමාගම වසා දැමීමට හේතුවක් ඉදිරිපත් නොකළ ද පිරිවැය ඉහළ යාම සහ ජීවන වියදම් පීඩනයට ලක්ව සිටින පාරිභෝගිකයන් හේතුවෙන් කර්මාන්තයට ගැටළු මතුවී ඇති බවට වාර්තා වනවා.
