වයස අවුරුදු 18 ත් 20 ත් අතර සේවකයින් සඳහා සාධාරණ වැටුප් ලබා ගැනීම සඳහා මෙරට වෘත්තීය සමිති විසින් දැවැන්ත වැඩපිළිවෙලක් ආරම්භ කර තිබෙනවා.
වයස අවුරුදු 21 ක් වන සේවකයෙකුගේ පැයක වැටුප ඩොලර් 29.04 ක් වන අතර එම රැකියාවේම නියුතු වයස අවුරුදු 18-20 ත් අතර වන සේවකයකු සඳහා ලැබෙන වැටුප ඩොලර් 16.26 ක්.
දැනට ඔස්ට්රේලියාවේ පවතින අධි උද්ධමනය සහ ආර්ථික අවපාත තත්වය හේතුවෙන් මෙම තරුණ සේවකයින් දැඩි අසාධාරණයට ලක්වන බව වෘත්තීය සමිති පෙන්වා දෙනවා.
තරුණ සේවකයින් ශ්රම බලකායට උපරිම දායකත්වය ලබාදීමට සූදානම්ව සිටියද පවතින වැටුප් විෂමතාවය එයට බාධාවක් බවයි පැවසෙන්නේ.
එබැවින් වයසින් අඩු සේවකයින් සඳහා අඩු වැටුප් තලයක් පැවතීම අහෝසි කිරීම හරහා ඔවුන්ට ආර්ථික වශයෙන් විශාල සහනයක් ලැබෙනු ඇති බවට අනාවැකි පළවනවා.
සේවකයින් සහ සේවායෝජකයන් යන දෙපාර්ශවයටම සාධාරණ වූ විසඳුමකට පැමිණීම මෙහිදී අත්යවශ්ය බවත් ඔස්ට්රේලියානු සිල්ලර වෙළඳ සංගමය අවධාරණය කරනවා.
නවසීලන්තය, කැනඩාව, දකුණු කොරියාව සහ බෙල්ජියම යන රටවල් දැනටමක් මෙවැනි වැටුප් විෂමතා ඉවත් කර අවසන්.
