කල් ඉකුත් වූ වීසා බලපත්ර සහ නුදුරේදී ම කල් ඉකුත් වීමට නියමිත වීසා බලපත්ර සම්බන්ධයෙන් ගත යුතු ක්රියාමාර්ග පිළිබඳ අවශ්ය උපදෙස් ලබාදීම සඳහා ඔස්ට්රේලියා ස්වදේශ කටයුතු දෙපාර්තමේන්තුව දැනුවත් කිරීමේ වැඩසටහනක් ආරම්භ කර තිබෙනවා.
ඒ අනුව ස්වදේශ කටයුතු දෙපාර්තමේන්තුවේ සේවා කණ්ඩායමක් (Community Status Resolution Service team) ලබන සතියේ නිව් සවුත් වේල්ස් හි ග්රිෆිත් (Griffith) සහ ලීටන් (Leeton) ප්රදේශවලට පැමිණ වීසා ගැටලුවලට විකල්ප සහ විසඳුම් ලබා දීමට නියමිතයි.
වීසා බලපත්රය කල් ඉකුත් වූ හෝ කල් ඉකුත් වීමට ආසන්න ඕනෑම අයෙකුට මෙම ස්ථානයන්ට පැමිණෙන ලෙසටයි ස්වදේශ කටයුතු දෙපාර්තමේන්තුව ඉල්ලා සිටින්නේ.
මෙම අවස්ථාව සංක්රමණ සම්බන්ධ ගැටලුවලට විසඳුම් ලබා ගැනීමට ආරක්ෂිතම ස්ථානයක් වනු ඇති බව ද ඔවුන් දැනුම් දෙනවා.
සංක්රමණ ගැටලු සහිත පුද්ගලයන්ට විවිධ වීසා ක්රමවේද පිළිබඳ සාකච්ඡා කිරීමට, රටින් පිටත්වීමේ සහාය ලබා ගැනීමට සහ දැනට නීති විරෝධීව සිටින එහෙත් වීසා ලබා ගැනීමට සුදුසුකම් ඇති පුද්ගලයින්ට bridging visas ලබා ගැනීමට ද මෙහිදී හැකියාව ලැබෙනු ඇති.
මේ අනුව ලබන 27 වන අඟහරුවාදා සහ 28 බදාදා උදෑසන 9.30 සිට සවස 5 දක්වා නිව් සවුත්වේල්ස් හි ග්රිෆිත් පුස්තකාලය තුළදී ස්වදේශ කටයුතු දෙපාර්තමේන්තු නිලධාරීන් හමු විය හැකියි.
28 වන බදාදා උදෑසන 9.30 සිට සවස 5 දක්වා Leeton පුස්තකාලය තුළ දී ද නිලධාරීන් හමුවී වීසා ගැටලුවලට විසඳුම් ලබා ගැනීමට හැකි බවයි දැනුම් දෙන්නේ.
Meet inside the Griffith Library, 228 Banna Avenue, Griffith, NSW:
– Tuesday 27 August from 9:30 am to 5:00 pm
– Wednesday 28 August from 9:30 am to 5:00 pm
Meet inside the Leeton Library, Sycamore Street, Leeton, NSW:
– Thursday 29 August from 10:00 am to 5:00 pm
