ඔස්ට්‍රේලියාවට වඩාත්ම අවශ්‍ය රැකියා 20 මෙන්න

කොරෝනා වසංගතයෙන් කඩා වැටුණු ඔස්ට්‍රේලියානු ආර්ථිකය යළි ගොඩගැනීමට ඔස්ට්‍රේලියානු මධ්‍යම රජය මේ වන විට විවිධ වැඩපිළවෙල රැසක් ක්‍රියාත්මක කරමින් සිටී.

එම ක්‍රියාවලි වලට අදාළව ඔස්ට්‍රේලියානු රැකියා ක්ෂේත්‍රයද විවිධ වෙනස්කම් වලට භාජනය වෙමින් පවතී.

ඔස්ට්‍රේලියාවේ රැකියා පිළිබඳ සමීක්ෂණය කරන ප්‍රමුඛ පෙළේ වෙබ් අඩවියක් වන Seek වෙබ් අඩවියේ නවතම සමීක්ෂණයකට අනුව මේ වන විට ඔස්ට්‍රේලියාවට වඩාත්ම අවශ්‍ය රැකියා 20 හඳුනාගෙන තිබේ.

01. සියලුම හෙද වෘත්තීන්

කොරෝනා වසංගතය පැමිණීමත් සමග සෞඛ්‍ය අංශයේ රැකියා සඳහා වැඩි අවධානයක් යොමුවූ අතර එහිදී සියලුම  ආකාරයේ හෙද වෘත්තීන් සඳහා ඉතා ඉහළ ඉල්ලුමක් මේ වන විට හටගෙන තිබෙනවා.

02. Warehousing, Storage & Distribution

කොරෝනා වසංගතයත් සමග අත්‍යවශ්‍ය භාණ්ඩ ඇතුළු සියලු පාරිභෝගික භාණ්ඩ ගබඩා කිරීම සහ බෙදාහැරීම තීරණාත්මක රාජකාරී බවට පත් වුණා.

එහිදී Warehousing, Storage සහ Distribution යන අංශ වල රැකියා සඳහා ද ඉහළ ඉල්ලුමක් නිර්මාණය වී තිබෙනවා.

03. Aged & Disability Support

Aged Care සහ Disability Care යනු ඔස්ට්‍රේලියාවේ සෑම කාලයකදීම ඉහළ ඉල්ලුමක් පවතින රැකියා ක්ෂේත්‍ර දෙකක්.

කොරෝනා වසංගතය පැමිණීමත් සමග මෙම ක්ෂේත්‍ර වල සැලකිය යුතු පුරප්පාඩු හටගෙන තිබෙනවා.

04. Automotive ක්ෂේත්‍රය

ඔස්ට්‍රේලියාවේ සෑම කල්හිම ඉහළ ඉල්ලුමක් පවතින තවත් රැකියා ක්ෂේත්‍රයක් ලෙස Automotive අංශය හැඳින්වීමට පුළුවන්.

කොරෝනා වසංගතය පැමිණීමත් සමග බොහෝ ඔස්ට්‍රේලියනුවන් පොදු ප්‍රවාහන සේවා වලින් බැහැරවී තම පුද්ගලික වාහන වලින් ගමන් කිරීමට යොමුවීමත් මෙම ක්ෂේත්‍රයේ රැකියා සඳහා ඉහළ ඉල්ලුමක් ඇතිවීමට එක් හේතුවක් විය හැකියි.

05. Administrative Assistants

පරිපාලන සහයකයින් ද මේ දිනවල ඔස්ට්‍රේලියාවේ ඉහළ ඉල්ලුමක් පවතින රැකියාවක් බව සඳහන්.

06. Sales Representatives / Consultants

අලෙවි නියෝජිතයින් හා උපදේශකයින් ටත් මේ කාලයේ ඔස්ට්‍රේලියාවේ වැඩි ඉල්ලුමක් පවතිනවා.

07. Physiotherapy, Occupational Therapy & Rehabilitation

භෞත චිකිත්සාව සහ පුනරුත්ථාපනය යන අංශ වල රැකියා සඳහා ද ඔස්ට්‍රේලියාවේ මේ වන විට වැඩි ඉල්ලුමක් පවතිනවා.

බොහෝ දෙනෙකුගේ අවධානය යොමු නොවන ක්ෂේත්‍ර ලෙස මේවා පත්ව තිබීම ඊට එක් හේතුවක්.

08. Childcare & Outside School Hours Care

ඔස්ට්‍රේලියාවේ සෑම කාලයකදීම ඉහළ ඉල්ලුමක් පවතින රැකියා ක්ෂේත්‍රයක් ලෙස Childcare ක්ෂේත්‍රය හැඳින්විය හැකියි.

දෙමාපියන් දෙදෙනාම රැකියා කිරීමට සිදුවීම නිසා Childcare වල මෙන්ම පාසල් වේලාවෙන් පිටත වේලාවල ළමුන් රැකබලාගන්නා මධ්‍යස්ථාන වලද සැලකිය යුතු පුරප්පාඩු ඇතිවී තිබෙනවා.

09. Chefs / Cooks

ඔස්ට්‍රේලියාව යනු විවිධ ආහාර පාන අත්දැකීමට හැකි ලොව පිහිටි ප්‍රධාන රටකි.

නිවසින් බැහැරව ආහාර පාන ගැනීමට වැඩි වශයෙන් ඔස්ට්‍රේලියනුවන් පෙළඹී සිටීම නිසා ක්‍රියාත්මක වන අවන්හල් ප්‍රමාණය ද සැලකිය යුතු ලෙස ඉතා ඉහළයි.

එනිසාම සූපවේදීන් සඳහා ඔස්ට්‍රේලියාවේ ඉහළ ඉල්ලුමක් පවතිනවා.

10. Retail Assistants

කොරෝනා සමයේ lockdown කිරීම් වලට ලක්වීමත් සමග සිල්ලර ව්‍යාපාර වසා දැමීමට සිදුවුණා.

ඒ අනුව ඒවායේ බොහෝ සේවකයින් වෙනත් රැකියා සොයා යාම හේතුවෙන් සිල්ලර වෙළෙඳ සහායකයින් සඳහා මේ වන විට ඔස්ට්‍රේලියාවේ ඉහළ ඉල්ලුමක් නිර්මාණය වී තිබෙනවා.

මීට අමතරව IT ක්ෂේත්‍රයේ මෘදුකාංග ඉංජිනේරුවන්, Mining ක්ෂේත්‍රයේ ඉංජිනේරුවන් සහ නඩත්තුකරන්නන්, කම්කරුවන්, මහා මාර්ග සහ ප්‍රවාහනය හා සම්බන්ධ රැකියා, මනෝ විද්‍යා හා මනෝ උපදේශකවරුන්,  Social Worker, දන්ත වෛද්‍යවරුන්, ළමා සුභසාධන, තරුණ හා පවුල් සේවා නිලධාරීන්, යන්ත්‍රෝපකරණ ක්‍රියාකරුවන්, Business / Systems Analysts යන රැකියා සඳහා ද ඔස්ට්‍රේලියාවේ මේ වන විට ඉහළ ඉල්ලුමක් පවතිනවා.

(අන්තර්ජාල වාර්තා ඇසුරින්)

LPL තරඟාවලියේ සන්නාම තානාපති ධුරය මයිකල් ක්ලාක්ට

2015 වසරේ ලෝක කුසලානය ජයග්‍රහණය කළ ඔස්ට්‍රේලියා කණ්ඩායමේ නායක මයිකල් ක්ලාක් ශ්‍රී ලංකා ප්‍රිමියර් ලීග් ( LPL 2024) තරගාවලියේ සන්නාම තානාපති ලෙස පත් කර තිබෙනවා.

Read More »

වික්ටෝරියා ප්‍රාන්තයේ ජාතික වනෝද්‍යාන පිහිටුවීමට එරෙහිව විරෝධතාවක්

වික්ටෝරියා ප්‍රාන්තයේ තවත් ජාතික වනෝද්‍යාන පිහිටුවීමේ සැලසුමට එරෙහිව විශාල පිරිසක් විරෝධතාවක් ආරම්භ කර තිබෙනවා.

Read More »

ප්‍රසාද දීමනාවක් ගැන පැතිර යන ව්‍යාජ පණිවුඩයක් ගැන දැනුම්දීමක්

ප්‍රසාද දීමනාවක් ලබා දෙන බව පවසමින් පැතිර යන ව්‍යාජ පණිවුඩයක් සම්බන්ධයෙන් සෙන්ටර්ලින්ක් (Centrelink) පාරිභෝගිකයින්ට හදිසි අනතුරු ඇඟවීමක් සිදු කර තිබෙනවා.

Read More »

පොදු ප්‍රවාහන ගාස්තු ශත 50 දක්වා අඩු වෙයි

රථ වාහන තදබදය සහ ජීවන වියදම් පීඩනය අඩු කිරීමේ උත්සාහයක් ලෙස ක්වීන්ස්ලන්ඩ් ප්‍රාන්තයේ පොදු ප්‍රවාහන ගාස්තු තාවකාලිකව අඩු කිරීමට පියවර ගෙන තිබෙනවා.

Read More »

මෙල්බන්හි පිහි ඇණුමකින් තරුණයන් දෙදෙනෙකුට බරපතල තුවාල

ඊයේ රාත්‍රියේ මෙල්බර්න් හි වයඹදිග ප්‍රදේශයේ ඇති වූ ගැටුමකදී පිහි ඇනුමකින් තුවාල ලැබූ තරුණයන් දෙදෙනෙකු රෝහල් ගත කර තිබෙනවා.

Read More »