ඔස්ට්රේලියාවේ බොහෝ තරුණ කණ්ඩායම් විශේෂිත හේතුවක් හෝ රෝගී තත්වයක් නොමැතිව වුව ද තවමත් මුව ආවරණ භාවිත කිරීම සම්බන්ධයෙන් නව අධ්යයනයක් සිදු කර තිබෙනවා.
කොවිඩ් ව්යාප්තිය සිදු වූ සමයේ අත්යවශ්ය අංගයක් වූ මුව ආවරණ පැළඳීම මේ වන විට වැඩි පිරිසක් අනුගමනය නොකරන ක්රියාවක් බවටයි පත්වී ඇත්තේ.
එහෙත් ඔස්ට්රේලියාවේ වෛද්ය විශේෂඥයන් පෙන්වා දෙන්නේ වර්තමානයේදී ද මුව ආවරණ පැළඳීම මගින් බොහෝ ශ්වසන රෝගවලින් ආරක්ෂා වීමට හැකි වන බවයි.
වර්තමානයේදී සෑම ඔස්ට්රේලියානුවන් පස් දෙනෙකුගෙන් එක් අයෙකුට දිගු කාලීන COVID තත්වයන්, පීනස, කැස්ස වැනි COVID ආසාදනයෙන් පසුව පවතින රෝග ලක්ෂණ පවතින බව සඳහන්.
ඔස්ට්රේලියා වෛද්ය සඟරාවක නවතම වාර්තාවක් මගින් පෙන්වා දී ඇත්තේ එළඹෙන ඔක්තෝම්බර් මාසය වන විට මෙරට දිගු කාලීන COVID රෝගීන්ගෙන් බහුතරය වයස අවුරුදු 30-39 කාණ්ඩයේ සහ අවුරුදු 20-29 වයස් කාණ්ඩයේ තරුණ කණ්ඩායම් වනු ඇති බවයි.
පොදු ප්රවාහනය, සංගීත ප්රසංග, සාද සහ ආපනශාලා වැනි ස්ථානවල මුව ආවරණ පැළඳ සිටීම මෙවැනි තත්වයක් තුල ගත හැකි ආරක්ෂිත පියවර බව සමීක්ෂණයට ලක්වූ තරුණ කණ්ඩායම් පෙන්වා දී තිබෙනවා.
පැය කිහිපයක් සඳහා ගන්නා එවැනි ආරක්ෂිත පියවර නොසලකා හැරීම මගින් තවත් දීර්ඝ කාලයක් රෝගී වී සිටීමට අවශ්ය නොවන බවයි ඔවුන් පෙන්වා දී ඇත්තේ.
එමෙන්ම පසුගියදා සිදු කළ ජාත්යන්තර සමීක්ෂණයකින් ද පෙනී ගොස් ඇත්තේ මුව ආවරණ නිවැරදිව පැළඳීමේදී ශ්වසන රෝග සම්ප්රේෂණය අඩු කිරීමට ඵලදායීව දායක වන බවයි.
