ඔස්ට්‍රේලියාවේ රැකියාවක් ලබා ගැනීම දුෂ්කර වන ලකුණු

ඔස්ට්‍රේලියාවේ විරැකියාව ඉහළ යාමත් සමඟ ආර්ථික වර්ධන වේගය මන්දගාමී වී ඇති වන බව නවතම වාර්තා මගින් හෙළිව තිබෙනවා.

ඒ අනුව මෙම නව මූල්‍ය වර්ෂය තුළ ඔස්ට්‍රේලියානුවන් 101,500ක් රැකියා විරහිත භාවය අත්දකිනු ඇති බවයි නව සමීක්ෂණ මගින් අනාවරණය ඇත්තේ.

සේවා නියුක්තිය සියයට 0.8කින් පහත වැටීමත් සමග සේවා සුරක්ෂිතභාවය පිළිබඳව ද ගැටලු මතුව තිබෙනවා.

දැනට ඔස්ට්‍රේලියාවේ උද්ධමන අගය සියයට 3.6ක අගයෙහි තවදුරටත් පවත්වාගෙන යෑමට සංචිත බැංකුව ක්‍රියා කළ ද විරැකියාව වර්ධනය උද්ධමනයට සෘජුව බලපෑම් කරන බවයි Deloitte වාර්තා පෙන්වා දෙන්නේ.

1990 දශකයේ ඔස්ට්‍රේලියාවේ ආර්ථික අවපාතයෙන් පසු වර්තමානයේ ද එවැනි මන්දගාමී ආර්ථික වර්ධනයක් පෙන්නුම් කරන බව විශේෂඥයින් සඳහන් කර තිබෙනවා.

දළ දේශීය නිෂ්පාදිත අගය පහත වැටීම, ව්‍යාපාර කඩා වැටීම වැනි හේතු මත පුද්ගලික අංශ තවදුරටත් රැකියා කප්පාදු සිදු කිරීම මෙලෙස විරැකියාව ඉහළ යෑමට සෘජුව බලපාන සාධක බව සඳහන්.

Deloitte හි ආර්ථික හවුල්කරුවකු වන David Rumbens පැවසුවේ පෞද්ගලික අංශයේ නව රැකියා අවස්ථා බිහිවිම මන්දගාමී ස්වරූපයක් උසුනල බවයි.

විරැකියාව ඉහළ යාමත් සමඟ ශ්‍රම වෙළඳපොළ තවදුරටත් නරක අතට හැරිය හැකි බවයි විශේෂඥයින් අවධාරණය කර ඇත්තේ.