ඉතිහාසයේ තුන්වන විශාලතම ලොතරැයි ත්‍යාගය අපේක්ෂාවෙන් ඉන්න අයට දැනුම්දීමක්

ඔස්ට්‍රේලියා ලොතරැයි ඉතිහාසයේ තුන්වන විශාලතම ත්‍යාගය හිමි වන ලොතරැයිය අද රාත්‍රියේ දිනුම් ඇදීමට නියමිතව තිබෙනවා.

අද පැවැත්වෙන මෙම Powerball දිනුම් ඇදීමේදී ඩොලර් මිලියන 100ක සුපිරි ත්‍යාගයක් ලබාදීමට නියමිත අතර එය මෙරට ලොතරැයි ඉතිහාසයේ තුන්වන විශාලතම ත්‍යාගය ලෙසටයි සැලකෙන්නේ.

අද රාත්‍රී 7.30 දිනුම් ඇදීම සිදු කෙරෙන අතර මෙම සුපිරි ත්‍යාගය අපේක්ෂාවෙන් ඔස්ට්‍රේලියානු වැඩිහිටියන්ගෙන් අඩක් පමණ ලොතරැයි මිලදී ගනු ඇති බවට ලොතරැයි බලධාරීන් අපේක්ෂා කරනවා.

එමෙන්ම දිනුම් ඇදීමෙන් පසු ජයග්‍රාහකයා සම්බන්ධ කර ගත හැකි වන ආකාරයෙන් ඔවුන්ගේ ලොතරැයි මාර්ගගතව ලියාපදිංචි කරන ලෙසටයි ඉල්ලීමක් කෙරෙන්නේ.

ඔස්ට්‍රේලියානු ඉතිහාසයේ විශාලතම තනි පුද්ගල ලොතරැයි ත්‍යාගය වූ ඩොලර් මිලියන 150ක ජයග්‍රහණය පසුගිය මැයි මාසයේ වාර්තා වූයේ දකුණු ඔස්ට්‍රේලියා ප්‍රාන්තයෙන්.

ඔස්ට්‍රේලියාවේ සියලුම ලොතරැයි ක්‍රීඩා හරහා පසුගිය මුල්‍ය වර්ෂය තුළ ඩොලර් බිලියන 1.69කට වඩා වැඩි වටිනාකමකින් යුත් ජයග්‍රාහී අවස්ථා 476ක් වාර්තා වී තිබෙනවා.

ඔස්ට්‍රේලියාවේ ලොතරැයි ත්‍යාග මුදල් බැංකු ගිණුමක තැන්පත් කිරීමේදී ඒ මගින් උපයන ඕනෑම පොලී මුදලක් ආදායම් බද්දට යටත් වන අතර ලොතරැයි බලධාරීන් පෙන්වා දෙන්නේ තම වාසනාවෙන් උපරිම ප්‍රතිලාභ ලබා ගැනීමට නම් වෘත්තීය මූල්‍ය උපදෙස් ලබා ගැනීම කළ යුතු බවයි.