වික්ටෝරියා ප්රාන්තයේ ලාරා ද්විතීයික විද්යාලයේ (Lara Secondary College) සිසුන්ගේ ප්රාථමික විෂය මාලාවේ කොටසක් ලෙස ක්රිකට් ක්රීඩාව හඳුන්වා දී තිබෙනවා.
ඒ අනුව වික්ටෝරියා ලාරා ද්විතීයික විද්යාලය ක්රිකට් ක්රීඩාව සාමාන්ය විෂය බාහිර ක්රියාකාරකම්වලට වඩා විධිමත්ව විෂයයක් ලෙස හඳුන්වා දුන් පළමු පාසල බවටයි ඉතිහාසයට එක්වන්නේ.
මෙම පාසල විසින් ක්රිකට් ක්රීඩාව විධිමත් විෂයක් ලෙස හඳුන්වාදීම වික්ටෝරියා ප්රාන්ත ක්රිකට් ආයතන සහ ඇකඩමි අතර ඇති සම්බන්ධතාවයේ ප්රතිඵලයක් ලෙසට සිදුවූවක් බවය ද සඳහන්.
ක්රිකට් ක්රීඩාව විෂය බාහිර ක්රියාකාරකම් ලෙස පමණක් යොදා නොගෙන එය පන්ති කාමරයේ විෂයක් ලෙසට ගෙන ඒම වික්ටෝරියා ප්රාන්ත බලධාරීන්ගේ අරමුණ වී තිබෙනවා.
ඇකඩමි ව්යාපාරයේ අරමුණ වන්නේ වික්ටෝරියා ප්රාන්තයේ පාසල්වල සිසුන්ට ක්රිකට් ගැන ඉගැන්වීම වන අතර සහභාගී වන සිසුන් සඳහා ක්රිකට් කේන්ද්ර කරගත් තේරීම් සහ සහතික ද ලබා දෙනු ඇති.
1877 දී එංගලන්තයට එරෙහිව පළමු ටෙස්ට් තරගයට ක්රීඩා කළ ඔස්ට්රේලියාව මෙම ඓතිහාසික සිදුවීමේ 150 වැනි සංවත්සරය 2027 වසරේදී සැමරීමට ද විශේෂ තරගයක් ද සංවිධාන කර ඇති බවයි සඳහන් වන්නේ.
ඔස්ට්රේලියාව තම ක්රිකට් ඉතිහාසය තුළ ලෝක කුසලාන ජයග්රහණ හයක්, T20 ලෝක කුසලාන ශූරතාවක් ද දිනා තිබෙනවා.
