අද පෙරවරුවේ මෙල්බන් Richmond ප්රදේශයේදී සිදු වූ රිය අනතුරකින් ජනප්රිය ක්රීඩා මාධ්යවේදියෙකු වන Sam Landsberger ජීවිතක්ෂයට පත්වී තිබෙනවා.
Richmondහි Bridge Road ප්රදේශයේදී මාර්ගයේ ගමන් කරමින් සිටියදී ඔහු අද පෙරවරු 10.30ට පමණ ට්රක් රථයක ගැටීමෙන් අනතුරට ලක්වී ඇති බවයි අනාවරණ වී ඇත්තේ.
එම අනතුරින් බරපතල තුවාල ලැබූ ඔහු මූලික ප්රතිකාර ලබාදී රෝහල් ගත කළ ද එහිදී මියගොස් ඇති බව සඳහන් .
35 හැවිරිදි සෑම් ලෑන්ඩ්ස්බර්ගර් Herald Sun සහ Fox Footyහි ප්රමුඛ පෙළේ ක්රීඩා මාධ්යවේදියෙක් ලෙසට සැලකෙනවා. .
ඔහු ක්රීඩාවට ඉතා ඇලුම් කළ අයෙක් වන අතර මෙල්බන්හි ක්රීඩාවට ඉතා වටිනා සාමාජිකයෙක් අහිමි වූ බවයි සමකාලීනයන් මෙන්ම මිතුරන් ප්රකාශ කර ඇත්තේ.
සෑම් ලෑන්ඩ්ස්බර්ගර් වෝක්ලි වසරේ තරුණ මාධ්යවේදියා ලෙසට නම් කෙරුණු අතර අවස්ථා තුනකදී අඛණ්ඩව T20 වාර්ෂික මාධ්ය සම්මාන තුනක් ද දිනා ගෙන තිබෙනවා.
ඔහු මෙවර පැරිස් ඔලිම්පික් උළෙලේ මාධ්ය ආවරණයට ද එක්වී තිබුණා.
