මිලියන 4කට ආසන්න ඔස්ට්රේලියානු පවුල් ඒකක ප්රමාණයක් ජීවන වියදම් අර්බුධය හමුවේ එදිනෙදා ආහාර වේල් ලබා ගැනීමේ ගැටලුවකට මුහුණදී සිටින බවට නව වාර්තාවකින් හෙළිවී තිබෙනවා.
ගතවූ වසරක කාලය තුළ ඔස්ට්රේලියානු පවුල් මිලියන 3.7ක් ආහාර ලබා ගැනීමේ අරගලයක නිරත වන බවයි AtWork Australia වාර්තාවෙන් හෙළි වී ඇත්තේ.
වසර 33කට පසු උද්ධමනය ඉහළම අගයක වාර්තා වූ2022 අගෝස්තු සහ 2023 පෙබරවාරි අතර කාලයේ ඔස්ට්රේලියානුවන්ගෙන් සියයට 53ක් ආහාර සහ නවාතැන් වැනි මූලික අවශ්යතා ලබා ගැනීමේ ගැටලුවක සිටි බව සඳහන්.
රැකියා සේවා සපයන ආයතනයක් වන AtWork Australia පෙන්වා දෙන්නේ ජීවන වියදම් අර්බුදය හමුවේ ඔස්ට්රේලියානුවන්ට තමන්ගේ සේවා ඉල්ලා සිටීමේ සැලකිය යුතු වර්ධනයක් වාර්තා වූ බවයි.
මේ අතර පසුගිය මාස හය තුල තම සහාය ලබා ගන්නා පුද්ගලයන්ගේ සියයට 75ක වැඩි වීමක් දක්නට ලැබෙන බව ඔස්ට්රේලියානු ආහාර පුණ්යායතනයක් වන OzHarvest වාර්තා කර තිබෙනවා.
ජීවන වියදම් අර්බුදය බොහෝ ජනතාව පිඩනයක සිටින අතර ප්රජාවේ සෑම අයෙකුම පාහේ උපකාර පතන බව මෙමගින් පෙන්නුම් කෙරෙන බවයි සඳහන් වන්නේ.
OzHarvest පුණ්යායතනය ඔස්ට්රේලියානු පවුල් සඳහා සතියකට ආහාර වේල් 500,000ක් පමණ ලබා දෙන බව සඳහන්.
ආහාර අනාරක්ෂිත භාවයේ ප්රධාන හේතුව ජීවන වියදම් අර්බුදය බව වාර්තාව මගින් අනාවරණ වී ඇති අතර සියයට 77ක් පවුල් ඒකක ද ජීවන වියදම් ගැටලුව තම ආහාර අර්බුධයට ප්රධාන හේතුව බව ප්රකාශ කර තිබෙනවා.
