මෙල්බන් ගුවන් තොටුපලේදී සිදු වූ විශේෂ සෝදිසි කිරීමක් හේතුවෙන් තමා දැඩි අපහසුතාවට පත්වූ බවට ඇමරිකා එක්සත් ජනපදයේ ජනප්රිය විකට රංගන ශිල්පී එරික් ඇන්ඩ්රේ පවසනවා.
පසුගිය දිනක සිදු වූ ගුවන් ගමනකින් පසු තමා සාමාන්ය මගීන් පෙළකින් ඉවත් කර ආරක්ෂක අංශ විසින් නිල සුනඛයින්ගේ පරික්ෂාවන්ට ද තමා ලක් කළ බවයි ඔහු සඳහන් කර ඇත්තේ.
ඉන්ස්ටග්රෑම් ඔස්සේ පළ කරන ලද වීඩියෝවක් මගින් ඇන්ඩ්රේ කියා සිටියේ තමා පැය 25 ක් නිව්යෝර්ක් සිට ලොස් ඇන්ජලීස් දක්වාත්, මෙල්බර්න් සිට බ්රිස්බේන් දක්වාත් වෘත්තිමය කටයුතු සඳහා ගුවන් යානාවල ගමන් කර තෙහෙට්ටුවෙන් පසු වූ බවයි.
මෙල්බර්න් ගුවන් තොටුපළේදී තමා සාමාන්ය මගීන් පෙළකින් ඉවත් කර විශේෂ පේළියකට දමා නිල සුනඛයෙකු යොදවා සෝදිසි කළ බවට ඔහු චෝදනා කරනවා.
ඔහු මෙය හඳුන්වා දී ඇත්තේ වාර්ගික සිදුවීමක් ලෙසට වන අතර එබැවින් මෙල්බන් හරහා ගමන් කරන සියලුම ජාතීන්වල ආදිවාසීන් සඳහා පණිවිඩයක් බවයි ඔහු සඳහන් කර ඇත්තේ.
විකට රංගන ශිල්පියා පැවසුවේ මෙම සිද්ධියේදී තමාට වෙනස් කොට සැලකීම පිළිබඳ නීතීඥයෙකු සම්බන්ධ කර ගනිමින් නීති උඅපදෙස් ලබා ගැනීමට තමා බලාපොරොත්තු වන බවයි.
ගුවන් තොටුපළේ ආරක්ෂක අංශ විසින් අමතර පරීක්ෂාවන් සඳහා පසෙකට ගත් මගීන්ගෙන් කොපමණ ප්රමාණයක් වෙනස් වර්ණයෙන් යුත් අයද යන්න පිළිබඳව තොරතුරු සොයන බවද ඔහු සඳහන් කර තිබෙනවා.
