මෙල්බන්හි ජනප්රිය ක්රීඩා සමාජයක් වන ෆිට්ස්රෝයි වික්ටෝරියා බෝලින් ඇන්ඩ් ස්පෝර්ට්ස් ක්ලබ් (Fitzroy Victoria Bowling & Sports Club) සඳහා නාගරික කවුන්සිලය විසින් වාර්ෂික කුලිය ලෙස ඩොලර් 60000ක් දක්වා ගෙවීම් ගාස්තු ඉහළ දමා ඇතැයි වාර්තා වනවා.
ක්රීඩා සමාජය සහ යාරා නගර සභාව සමග පැවති වසර 21ක ගිවිසුම කල්පිරීමත් සමග නව ගිවිසුමක් පසුගියදා අත්සන් කර ඇති බවයි වාර්තා වන්නේ.
එහිදි නව කුලී ගාස්තු ඩොලර් 100 සිට ඩොලර් 60000 දක්වා ඉහළ දැමීමට පියවර ගෙන තිබුණ ද ක්රීඩා සමාජ උප සභාපති රොඩ්නි ඩ්රැපර් සඳහන් කළේ කිසිවිටෙකත් ක්රිඩා සමාජය වසා දැමීමක් සිදු නොවන බවයි.
Fitzroy Victoria Bowling & Sports Club හි වැඩ කටයුතු ඉදිරියටත් එළෙසම කරගෙන යෑමට කටයුතු කරන බව ඔහු වැඩිදුරටත් ප්රකාශ කර තිබෙනවා.
නව කුලී ගාස්තු සම්බන්ධයෙන් Yarra නගර සභාව සමග යළි සාකච්ඡා කිරීමට අපේක්ෂා කරන බව ද සඳහන්.
මෙය මෙල්බන්හි පැරණිතම Sports Club එකක් වන අතර ඩොලර් 60000ක මුදල සොයා ගැනීමට කෙසේ හෝ කටයුතු කරන බව රොඩ්නි ඩ්රැපර් ප්රකාශ කළා.
ඒ අනුව අරමුදල් ලැබෙන ක්රමවේද යළි ප්රතිසංවිධානය කළයුතු අතර මිල ගණන් ක්රමයෙන් වැඩි කිරීම සම්බන්ධයෙන් ද යෝජනා ඉදිරිපත්ව ඇති බවයි පැවසෙන්නේ.
