මෙල්බන් බටහිර ප්රදේශයේ Deer park Station දුම්රිය වේදිකාව අවශ්ය නියමිත දිග ප්රමාණයට වඩා මීටර් 10ක් වැනි අඩුවෙන් ඉදිකිරිම සම්බන්ධයෙන් වික්ටෝරියා රජයට චෝදනා එල්ලවී තිබෙනවා.
මෙලෙස ඉතා කෙටි දුම්රිය වේදිකාවක් ඉදිකිරීම හේතුවෙන් මගීන්ට අමතර ප්රමාදයක් ඇති කරන අතර වැඩිවන මගීන් සමඟ කටයුතු කිරීමට තරම් Deer park Station වේදිකාව ප්රමාණවත් නොමැති බවයි සඳහන් වන්නේ.
2023 අප්රේල් මාසයේදී මෙම දුම්රිය ස්ථානය වැඩිදියුණු කර නැවත විවෘත කළ අතර එහිදී ඉදි කෙරුණු දුම්රිය වේදිකාවේ දිග මීටර් 10කින් කෙටි වූ බවට චෝදනා පවතිනවා.
අග්රාමාත්ය ජසින්ටා ඇලන්ට මේ සම්බන්ධයෙන් චෝදනා එල්ල වුව ද එය තමා අතින් සිදුවූ අතපසුවීමක් බවට වන චෝදනාව ඇය ප්රතික්ෂේප කර ඇති බව සඳහන්.
ලිබරල් පොදු ප්රවාහන සේවා මාධ්ය ප්රකාශක මැතිව් ගයි ප්රකාශ කළේ මෙම සංවර්ධන කටයුත්ත රජය විසින් කරන ලද වැරැද්දක් වන අතර මැදිරි 9කින් යුත් දුම්රියක් නතර කිරීම සඳහා අවම වශයෙන් මීටර් 225ක වත් වේදිකාවක් අවශ්ය බවයි.
කෙසේ වෙතත් Deer park Station දුම්රිය වේදිකාව දීර්ඝ කිරීම සඳහා පියවර ගන්නා බවයි බලධාරීන් ප්රකාශ කර ඇත්තේ.
මේ අතර ප්රාන්තයේ විශාලතම යටිතල පහසුකම් ව්යාපෘතියක් වන Suburnban Rail Loop ව්යාපෘතිය සදහා අනුග්රහය දැක්වීම සම්බන්ධයෙන් ද අග්රාමාත්ය ජසින්ටා ඇලන්ට චෝදනා එල්ලවී තිබෙනවා.
ප්රාන්තයේ නව දුම්රිය මාර්ග ව්යාපෘති සඳහා කොපමණ මුදලක් වැයවන්නේ ද පිළිබද මෙතක් තක්සේරුවක් කර නොමැති බවයි වාර්තා වන්නේ.
