පුනර්ජනනීය බලශක්තිය තොග වශයෙන් මිල දී ගෙන මෙල්බන් ජනතාවගේ ගෘහස්ථ විදුලි බිල්පත් කප්පාදු කිරීමට මෙල්බන් නගරාධිපති Nick Reece සැලසුම් කර තිබෙනවා.
‘MPower’ ලෙසට හැඳින්වෙන මෙම ව්යාපෘතිය ඔස්ට්රේලියාවේ එවැනි විශාලතම යෝජනා ක්රමය වන අතර අසල්වැසි ප්රාදේශීය සභාවලට ද ඊට සම්බන්ධ වන ලෙසටයි ඇරයුම් කර ඇත්තේ.
මෙල්බන් නගරාධිපතිවරයා විසින් යෝජනා කරන ලද සැලැස්ම අනුව නගරයේ ජනතාවට සහ ව්යාපාරිකයන්ට ඔවුන්ගේ විදුලි බිල්වලින් සෑම වසරකම ඩොලර් සිය ගණනකින් ඉතිරි කර ගත හැකි බව සඳහන්.
තමා නැවත තේරී පත් වුවහොත් ඔස්ට්රේලියාවේ විශාලතම පුනර්ජනනීය බලශක්තිය මිලදී ගැනීමේ යෝජනා ක්රමයට අරමුදල් සපයන බව ප්රකාශ කර තිබෙනවා.
ඔහුගේ MPower යෝජනාවට අනුව මෙල්බන් නගර සභාව විසින් නිවාස ඒකක සහ කුඩා ව්යාපාරවල සාමූහික මිලදී ගැනීමේ හැකියාව භාවිතා කර අඩු මිලකට පුනර්ජනනීය විදුලිය ලබා ගැනීමේ ගනුදෙනුවක් සිදු කරනු ඇති.
මෙම යෝජනාවට අනුව, Darebin, Hobsons Bay, Maribyrnong, Merri-bek, Moonee Valley, Port Phillip, Stonnington සහ Yarra යන ප්රදේශවල පදිංචිකරුවන්ට මීට සම්බන්ධ විය හැකියි.
මෙම යෝජනා ක්රමයට ලක්ෂ සංඛ්යාත ජනතාවක් සහ ව්යාපාර එකඟ වනු ඇතැයි තමා අපේක්ෂා කරන බව ද නගරාධිපතිවරයා සඳහන් කළා.
මෙම යෝජනා ක්රමය සඳහා ඩොලර් මිලියන 2 ක් දක්වා වැය වනු ඇතැයි අපේක්ෂා කෙරෙන අතර අරමුදල් පවතින අයවැයෙන් වෙන් කිරීමට නියමිතයි.
