මීළඟ ෆෙඩරල් මැතිවරණයේ දී වර්තමාන පාලක පක්ෂය වන කම්කරු පක්ෂය විසින් සුළුතර රජයක් නිර්මාණය කරනු ඇති බවට නව මත විමසුමකින් හෙළිවී තිබෙනවා.
ප්රධාන ක්ෂේත්රවල ඡන්ද දායකයින්ගේ සහයෝගය පහත වැටෙන බැවින් කම්කරු පක්ෂයට සුළුතර ආණ්ඩුවක් පිහිටුවීමට සිදුවනු ඇති බවයි එම මත විමසුමෙන් අනාවරණ වී ඇත්තේ.
නවතම Australian Financial Review/Freshwater Strategy මත විමසුමෙන් පෙන්නුම් කරන්නේ ප්රධාන පක්ෂ දෙක සැලකීමේදී මනාප පදනම යටතේ විපක්ෂ සන්ධානය කම්කරු පක්ෂයට වඩා ඉදිරියෙන් සිටින බවයි.
මෙවැනි සමීක්ෂණ මගින් විපක්ෂ ඉදිරියෙන් සිටින්නේ අඛණ්ඩව දෙවැනි මාසයට බව ද සඳහන්.
මත විමසුමට ප්රතිචාර දැක්වූවන්ගෙන් සියයට 59ක් රට වැරදි දිශාවකට ගමන් කරන බව ප්රකාශ කර ඇති අතර සියයට 28ක් ඊට එකඟ වී නැහැ.
කෙසේ වෙතත් ජීවන වියදම සම්බන්ධයෙන් වන කාරණයේදී කම්කරු පක්ෂය සමග ඡන්දදායකයින් සිටින අතර එය ඔවුන්ට වඩාත්ම වැදගත් ප්රශ්නය ලෙස ද දක්වා තිබෙනවා.
ජීවන වියදම් ප්රශ්නයේදී සන්ධානයට ජනතාවගෙන් සියයට 35ක පමණ කැමැත්තක් තිබුණ ද පෙර මාසයට සාපේක්ෂව කම්කරු පක්ෂය ද සියයට පහක ප්රගතියක් ලබා ඇති බවයි පැවසෙන්නේ.
ආර්ථික කළමනාකරණය සම්බන්ධයෙන් සන්ධානය කම්කරු පක්ෂයට සාපේක්ෂව සියයට 39ක් ජනතා කැමැත්තක් ලබාගෙන ඇති බව සඳහන්.
පවතින ඡන්ද සංඛ්යාව අනුව මේ දිනවල මැතිවරණයක් පැවැත්වුවහොත් කම්කරු පක්ෂය සුළුතර ආණ්ඩුවකට යොමු වනු ඇති බවයි මෙම මත විමසුමෙන් තහවුරු වී ඇත්තේ.
ඕස්ට්රේලියාවේ මීළඟ ෆෙඩරල් ඡන්ද විමසීම ලබන වසරේ මැයි මාසය වන විට පැවැත්විය යුතුයි.
