සංචාරක ශ්රී ලංකා කණ්ඩායම සමග පැවැත්වෙන එක්දින තරගාවලියේ පෙරමුණ ගැනීමට අයර්ලන්ත කණ්ඩායම සමත්වුණා.
ඒ දෙරට අතර පැවති දෙවන එක්දින තරගය ලකුණු 15කින් ජය ගනිමින්.
මෙම තරගයේ පළමුවෙන් පන්දුවට පහර දුන් අයර්ලන්ත කණ්ඩායම නියමිත පන්දුවාර 50 අවසානයේ කඩුළු 05ක් දැවී ලකුණු 255ක් රැස් කළා.
පන්දු යැවීමේදී අචිනි කුලසූරිය සහ කවීෂා දිල්හාරි කඩුලු 2 බැගින් බිඳහෙලුවා.
ලකුණු 256ක ඉලක්කය හඹා ගිය ශ්රී ලංකා කණ්ඩායමට පන්දුවාර 48ක් අවසානයේ සියලු දෙනා දැවී ලබා ගැනීමට හැකිවුයේ ලකුණු 240ක් පමණයි.
මෙම තරගයේදී තම මංගල ශතකය රැස් කර ගැනීමට හර්ෂිතා සමරවික්රම සමත්වුණා.
ඇය ලකුණු 105ක් ලබා සිටියදී දැවී ගිය අතර පන්දු 124කින් ලබා ගත් එම ලකුණු 105ට හතරේ පහර 11ක් ද ඇතුලත් වුණා.
තරග තුනකින් සමන්විත මෙම තරගාවලියේ පළමු තරගයේ ජය හිමි වූයේ ද අයර්ලන්ත කණ්ඩායමටයි.
දෙරට අතර අවසන් එක්දින තරගය ලබන 20 වනදා පැවැත්වීමට නියමිතයි.
