2024 වසරේ ගතවූ කාලය තුළ පමණක් වික්ටෝරියා ප්රාන්තයේ මාර්ගවල අනතුරු හේතුවෙන් ජීවිත 180ක් අහිමි වී ඇති බව වික්ටෝරියා පොලිස් වාර්තා පවසනවා.
පසුගිය 2023 වසරේ මෙම කාලසීමාව වන විට වාර්තා වී තිබී ඇත්තේ රිය අනතුරු මරණ 176ක් පමණක් බවයි එහි දැක්වෙන්නේ.
මෙලෙස රිය අනතුරු මරණ ඉහළ යාම හමුවේ මාර්ග භාවිතා කරන්නන්ට සුපරීක්ෂාකාරී වන ලෙසට වික්ටෝරියා පොලිසිය රියදුරන්ගෙන් ඉල්ලීමක් කරනවා.
මේ වසරේ ගතවූ කාලය තුළ යතුරුපැදිකරුවන් 44ක් මිය ගොස් ඇති අතර එය 2023 වසරේ මෙම කාලය වන විට වාර්තා වූ මරණ මෙන් දෙගුණයකට ආසන්න අගයක් බව සඳහන්.
එමෙන්ම පසුගිය වසරේ මෙම කාලය හා සැසඳීමේ දී 2024 වසරේ මේ දක්වා මාර්ග අනතුරු හේතුවෙන් පදිකයින් 7දෙනෙකු ද මිය ගොස් තිබෙනවා.
වික්ටෝරියා සහකාර පොලිස් කොමසාරිස් ග්ලෙන් වීර් පැවසුවේ ප්රාන්තයේ මාර්ගවල විශාල පිරිසක් මරණයට පත්වන ආකාරයක් පෙන්නුම් කෙරෙන අතර බොහෝ අවස්ථාවල මෙම අනතුරු සම්පූර්ණයෙන්ම වළක්වා ගත හැකිව තිබු ඒවා බවයි.
2023 වසරේ මාරක අනතුරු හේතුවෙන් ජිවිත 296ක් අහිමි වූ අතර එම තත්වය නැවත දැකීමට අවශ්ය නොවන බවයි ඔහු අවධාරණය කළේ.
