ඔස්ට්රේලියාවේ මුදල් රහිත සමාජයක් සඳහා ජනතාව යොමු කෙරෙමින් තිබුණ ද බොහෝ පාරිභෝගිකයින් තවමත් මුදල්වලින් ගනුදෙනු කිරීම් තෝරා ගනිමින් සිටින බව වාර්තා වනවා.
මුදල් රහිත ගනුදෙනු ප්රවර්ධනය කිරීමේ පියවර රැසක් ගෙන තිබියදීත් නව පර්යේෂණවලින් පෙනී ගොස් ඇත්තේ පාරිභෝගිකයින් තවමත් මුදල් යොදා ගනිමින් සිදු කරන ගෙවීම්වලට කැමති බවයි.
සෑම ඔස්ට්රේලියානුවන් හතර දෙනෙකුගෙන් එක් අයෙකු මුදල් රහිත ව්යාපාර වෙනුවට විවිධ ගෙවීම් විකල්ප පහසුකම් ලබා දෙන ව්යාපාර වෙත යොමු වන බවයි Xeroහි නවතම වාර්තාවට අනුව හෙළිවී ඇත්තේ.
මෙම ප්රවණතාවය හේතුවෙන් ඇතැම් කුඩා ව්යාපාර හිමිකරුවන ගනුදෙනුකරුවන්ගෙන් මුදල් ගෙවීම් ද භාර ගැනීමට ආරම්භ කර තිබෙනවා.
මේ වන විට මුදල්වලින් ගෙවීම් සිදු කරනු ලබන්නේ පාරිභෝගිකයින්ගෙන් කුඩා ප්රතිශතයක් පමණක් වන අතර බොහෝ දෙනෙකු ඩිජිටල් ගෙවීම් විකල්පවලට වැඩි කැමැත්තක් දක්වන බව ද හෙළිවී තිබෙනවා.
එමෙන්ම මෙරට ක්රියාත්මක කුඩා ව්යාපාර පහකින් හතරකට ආසන්න ප්රමාණයක හිමිකරුවන් ප්රකාශ කර ඇත්තේ මුදල් රහිත ආර්ථිකයකට හදිසියේ මාරු වීම තම මෙහෙයුම්වලට දැඩිව බලපාන බවයි.
මේ අතර තරුණ පරම්පරාවන් අතර නව ගෙවීම් ක්රම ජනප්රිය වෙමින් පවතින අතර ඔවුන් Apple Pay හෝ Google Pay භාවිතා කිරීම සිව් ගුණයකින් පමණ ඉහළ ගොස් ඇති බවයි සඳහන් වන්නේ.
කෙසේවෙතත් එම ගෙවීම් පිළිගනු ලබන්නේ කුඩා ව්යාපාරවලින් සියයට 18ක පමණ ප්රමාණයක් බව සඳහන්.
විචාරකයන් පෙන්වා දෙන්නේ ඩිජිටල් ගෙවීම් ක්රම සමඟ පාරිභෝගික අවශ්යතාවන් ඉටු නොකරන කුඩා ව්යාපාර අසාර්ථක වනු ඇති බවයි.
