2027 වසර වන විට ඔස්ට්රේලියාව තුළ ඩ්රෝන කුලී රථ සේවා හඳුන්වා දීමට හැකිවනු ඇති පර්යේෂකයන් පවසනවා.
රට පුරා ආහාර ඩ්රෝන් මගින් අහාර සහ භාණ්ඩ ප්රවාහන සේවා විධිමත් වන බැවින් 2027 වන විට ඩ්රෝන කුලී රථ යොදා ගනිමින් මගීන් ප්රවාහනය කළ හැකි වනු ඇති බවටයි විශ්වාස කෙරෙන්නේ.
ඩ්රෝන සමාගමක් වන වින්ග් (Wing) විසින් පවත්වාගෙන යනු ලබන ඩ්රෝන යානා මගින් ආහාර බෙදා හැරෙන සේවාව සති කිහිපයකට පෙර මෙල්බන් නගරයේ සහ අවට කලාපයේ ආරම්භ කෙරුණා.
එම සේවාව මෙල්බන්හි ඊස්ට්ලන්ඩ් සාප්පු මධ්යස්ථානය (Eastland shopping centre) අවට ප්රදේශ 26කට සේවා සපයනු ලබනවා.
එම වැඩසටහන ක්වීන්ස්ලන්ඩ් සහ අග නගර කලාපයේ ද වසර කිහිපයක් පුරා ක්රියාත්මක වෙමින් පවතිනවා.
මෙල්බන් හි ක්රියාත්මක ඩ්රෝන මගින් භාණ්ඩ බෙදා හැරීමේ සේවාව ඊස්ට්ලන්ඩ් සාප්පු මධ්යස්ථානයේ වහලයේ සිට ආරම්භ වන අතර පැයට කිලෝමීටර 110ක පමණ වේගයෙන් ගමන් කරනු ලබනවා.
Swinburne විශ්වවිද්යාලයේ Aerostructures Innovation Research Hub හි ප්රධානී Dr Adriano Di Pietro පැවසුවේ 2032 බ්රිස්බේන් ඔලිම්පික් උළෙලේදී මිනිසුන් ප්රවාහනය කළ හැකි ඩ්රෝන යානා පිළිබඳ විශේෂ ප්රධාන අවධානයක් යොමු කරන බවයි.
පළමු අත්හදා බැලීම් 2027 වසරේදී සිදු කිරීමට නියමිත අතර එහිදී තාක්ෂණයට අනුව ක්රමානුකූලව ඉදිරියට දියුණු කරන බවයි ඔහු සඳහන් කළේ.
ඩ්රෝන තාක්ෂණය බොහෝ තීරණාත්මක සේවාවන්වල සහාය සඳහා දැවැන්ත කාර්යභාරයක් ඉටු කළ හැකි බව ද ඔහු පෙන්වා දී තිබෙනවා.
