මෙල්බන් Croydon ප්රදේශයේදී පොලිස් මෝටර් රථයකට ප්රහාරයක් එල්ල කිරීම සම්බන්ධයෙන් බාල වයස්කරුවන් දෙදෙනෙකුට චෝදනා එල්ල වී තිබෙනවා.
අද අලුයම 1.45 ට පමණ ක්රොයිඩන් ප්රදේශයේදී සොරකම් කළ බව කියන මෝටර් රථයක යමින් සිටි සැකකරුවන් දෙදෙනා අත්අඩංගුවට ගැනීමට හෙලිකොප්ටරයක් සහාය ද ලබාගෙන ඇති බවයි වාර්තා වන්නේ.
පොලිසිය මෝටර් රථයට ළඟා වීමේදී සැකකරුවන් දෙදෙනා එහි ඇතුළත සැඟවී සිටින ආකාරය දැක තිබෙනවා.
ඔවුන් දෙදෙනා පැන යාමට උත්සාහ කළ අතර පොලිස් මෝටර් රථයකට ද පහර දුන් බවටයි චෝදනා එල්ලවී ඇත්තේ.
කෙසේවෙතත් බරපතල අනතුරකින් තොරව පොලිසිය විසින් සැකකරුවන් දෙදෙනා අත්අඩංගුවට ගෙන තිබෙනවා.
අවුරුදු 17 සහ 18 හැවිරිදි පිරිමි ළමයින් දෙදෙනාට අපරික්ෂාකාරී රිය පැදවීම, මෝටර් රථ සොරකම් කිරීම වැනි චෝදනා එල්ලවී ඇතැයි සඳහන්.
අධිකරණයේ පෙනී සිටින ලෙසට දන්වා ඔවුන් දෙදෙනා ඇප මත මුදා හැර ඇති බවයි පොලිසිය කියාසිටියේ.
සෑම දිනකම රාත්රී කාලයේ මෝටර් රථ සොරකම් ඉලක්ක කර වික්ටෝරියා පොලිසිය මෙහෙයුම් සිදු කරන අතර එහි ප්රතිඵලයක් ලෙස පසුගිය මාස 12 තුළ අත්අඩංගුවට ගැනීම් 1450කට වැඩි ප්රමාණයක් සිදු කර තිබෙනවා.
