වික්ටෝරියා අපරාධ සම්බන්ධ වගකීමේ වයස, ප්රාන්ත පාර්ලිමේන්තුවේ දැඩි විවාදයකින් පසු අවුරුදු 10 සිට 12 දක්වා වැඩි කර තිබෙනවා.
තරුණ අපරාධ අවම කිරීම අරමුණු කර ගනිමින් ගෙන එනු ලැබූ විවිධ පියවර ඇතුලත් තරුණ යුක්තිය පිළිබඳ පනත් කෙටුම්පත පාර්ලිමේන්තුවේ ඉහළ මන්ත්රී මණ්ඩලයේදී සම්මත වූ බවයි සඳහන් වන්නේ.
වික්ටෝරියා රජය මෙම තීරණය ගෙන ඇත්තේ අපරාධ වගකීමේ වයස අවුරුදු 14 දක්වා ඉහළ නැංවීමේ තීරණය ඉවත් කර ගැනීමෙන් දින කිහිපයකට පසුවයි.
මේ සම්බන්ධයෙන් පැවති දීර්ඝ විවාදයේදී මන්ත්රීවරුන් විසින් සංශෝධන 200කට වැඩි ප්රමාණයක් යෝජනා කර තිබූ බව ද සඳහන්.
නව නීති අනුව තරුණ අපරාධකරුවන්ට ඇප ලබාදීම සුදුසු ද යන්න තීරණය කිරීමේදී සමාජයේ ජනතාවගේ ආරක්ෂාවට ඇති අවදානම සහ තවදුරටත් බරපතළ වරදක් සිදුකිරීමේ අවදානම යන දෙකම සලකා බැලීමට ද සිදු වනු ඇති.
මහා පරිමාණ සොරකම් හෝ මංකොල්ලකෑම්, අනතුරුදායක රිය පැදවීම, වාහන කොල්ලකෑම හෝ නිවාස ආක්රමණය වැනි බරපතල වැරදි සිදු කර ඇති තරුණ වැරදිකරුවන්ට මෙම නීති අදාළ වනවා.
