කෙටිකාලීන විදේශ සංචාරයන් සඳහා පිටත්වන ඔස්ට්රේලියානුවන්ගේ සංඛ්යාව වාර්තාගත ලෙස ඉහළ ගොස් තිබෙනවා.
ඔස්ට්රේලියානු සංඛ්යාලේඛන කාර්යංශ දත්ත පෙන්වා දෙන්නේ කොවිඩ් වසංගතයෙන් පසු ජාත්යන්තර සංචාරක සීමා ලිහිල් වීමත් සමග ඔස්ට්රේලියානුවන් මෙලෙස විදේශ සංචාර සඳහා වැඩි වශයෙන් යොමු වන බවයි.
ඒ අනුව ඔස්ට්රේලියානුවන් වැඩි වශයෙන් කෙටිකාලීන සංචාර නැතහොත් වසරකට අඩු කාලසීමාවක් සඳහා වූ සංචාර සඳහා ඉන්දුනීසියාව, නවසීලන්තය, බ්රිතාන්ය සහ ඇමරිකා එක්සත් ජනපදය වැනි ගමනාන්ත තොරාගෙන තිබීම විශේෂත්වයක්.
එම ගමනාන්ත අතුරින් ඔස්ට්රේලියානුවන් වැඩි වශයෙන් ගමන් කිරීමට තෝරාගෙන ඇත්තේ ඉන්දුනීසියාව වන අතර ඉන්දුනිසියාව මෙලෙස ජනප්රියවී ඇත්තේ ප්රථම වරට වීම ද විශේෂත්වයක්.
පසුගිය මූල්ය වර්ෂයේ දී පමණක් ඔස්ට්රේලියානුවන් මිලියන 1.5ක් ඉන්දුනීසියාවේ කෙටි කාලීන සංචාර සඳහා පිටත්ව ගොස් ඇති බව සඳහන්.
මෙම වසරේ ජුනි මාසයේ පමණක් ඔස්ට්රේලියානුවන්ගේ නවසීලන්ත සංචාර 77760ක් , බ්රිතාන්ය සංචාර 65090ක්, ඇමරිකා සංචාර 52910 සහ ජපාන සංචාර 51156 ක් වශයෙන් සටහන් වී තිබෙනවා.
සංක්රමණ සංඛ්යාලේඛන ප්රධානි Martin Skeggs පැවසුවේ මෙම සංචාරක තත්වය නැවතත් covid වසංගතයට පෙර ඔස්ට්රේලියානුවන්ගේ ගමනා ගමනය පිළිබිඹු කිරීමක් වන බවයි.
