මෙම වසරේ පවර්බෝල් ලොතරැයිය මගින් පිරිනමනු ලබන තුන්වන විශාලතම ත්යාගය දිනා ගැනීමට ඔස්ට්රේලියානුවන්ට අවස්ථාවක් හිමි වී තිබෙනවා.
පවර්බෝල් ලොතරැයියේ පසුගිය දිනුම් ඇදීම මගින් ලබාදුන් ප්රථම ත්යාගයට කිසිවෙකුත් හිමිකම් නොකීම හමුවේයි ත්යාග මුදලේ වටිනාකම ඉහළ ගොස් ඇත්තේ.
ඒ අනුව ලබන බ්රහස්පතින්දා සිදු කෙරෙන දිනුම් ඇදීමෙන් ලබාදෙන ඩොලර් මිලියන 100ක ත්යාගය මෙම වසරේ ඔස්ට්රේලියාවේ ලොතරැයියකින් පිරිනමන තුන්වන විශාලතම ත්යාගය බව ලොතරැයි නිලධාරීන් ප්රකාශ කළා.
එමෙන්ම එය ඔස්ට්රේලියා ලොතරැයි ඉතිහාසයේ හයවන විශාලතම ත්යාගය ද වන බව සඳහන්.
ලබන සතියේ මෙම සුපිරි ත්යාගය දිනා ගැනීමේ අරමුණින් ඔස්ට්රේලියානු වැඩිහිටියන්ගෙන් අඩක් පමණ පිරිසක් ලොතරැයියක් මිලදී ගනු ඇතැයි අපේක්ෂා කරන බව ද ලොතරැයි නිලධාරීන් පෙන්වා දෙනවා.
පවර්බෝල් ලොතරැයිය මගින් අවසන් වරට ඩොලර් මිලියන 100ක ත්යාගයක් පිරිනැමූ අවස්ථාවේ කිසිවෙකු ත්යාගය දිනා නොගත් අතර අවසානයේ එය ඩොලර් මිලියන 150 දක්වා වර්ධනය වූ බවයි ලොතරැයි ප්රකාශිකා ඇනා හොබ්ඩෙල් සඳහන් කළේ.
ඇඩිලේඩ්හි ජයග්රාහකයෙක් මැයි මාසයේ සිදු වූ එම දිනුම් ඇදීමේදී සමස්ත ඩොලර් මිලියන 150 ත්යාගය ලබා ගත්තේ ඔස්ට්රේලියාවේ විශාලතම තනි පුද්ගල ලොතරැයි ජයග්රාහකයා බවට පත් වෙමින්.
පසුගිය වසරේ නිව් සවුත්වේල්ස් ප්රාන්තයේ ජයග්රාහකයින් අටක්, වික්ටෝරියා ප්රාන්තයේ 7ක්, දකුණු සහ බටහිර ඕස්ට්රේලියා ප්රාන්තවල දෙදෙනෙක් බැගින් ජයග්රාහකයින් පිරිසකට පවර්බෝල් ලොතරැයිය මගින් ඩොලර් මිලියන 552 කට වැඩි මුදලක් බෙදා දී තිබෙනවා.
